Leh êbeh sa hruê kăm klă klơ̆ng ngă klei bi hmô bruă sang čư̆ êa dua gưl ti dŭm anôk bruă knŭk kna mrâo, tlam mbruê 8/7, Khua bruă sang čư̆ êa čar Dak Lak Tạ Tuấn Anh ksiêm wĭt bruă knŭk kna gưl ƀuôn hgŭm ti ƀuôn hgŭm Krông Hnang leh anăn ƀuôn hgŭm Ƀuôn Hồ. Khua bruă sang čư̆ êa čar Dak Lak Tạ Tuấn Anh bi myuôm klei gĭr mơ̆ng bruă Đảng nah gŭ, bruă sang čư̆ êa ƀuôn hgŭm Krông Hnang leh anăn ƀuôn hgŭm Ƀuôn Hồ dưi mđĭ hnơ̆ng kriê dlăng mơ̆ng knŭk kna, đru kơ mnuih ƀuôn sang jăk hĭn.

Hlăm klei ksiêm dlăng, khua bruă sang čư̆ êa čar Dak Lak ăt čih yap đa đa klei dleh dlan, kpăk gŭn ti anôk bruă msĕ si: klei mkăp brei ngăn prăk êmưt ngă truh klei hmăi kơ bruă tla prăk, phần mềm đa đa amâodưi mkŏ, hdră mtô kơ bruă ngăn prăk kơ ƀuôn hgŭm kla klă nik. Tạ Tuấn Anh mđĭ ai êpul knuă druh ti Krông Hnang leh anăn Ƀuôn Hồ bi lar ai tiê bi mguôp, găn klei dleh dlan, ngă jăk dŭm bruă klam dưi jao kơ pô.