Êpul Bruă Kƀĭn Ala Dhŭng Korea hriê čuă Đà Nẵng, mđĭ hĭn klei bi mguôp mđing truh kơ APEC 2025
Thứ tư, 14:28, 09/07/2025
Pô mblang: Y -Ƀel Êban
Pô mblang: Y -Ƀel Êban
VOV4.Êđê - Hruê mbruê 8/7, Khua bruă Đảng ƀuôn prŏng Đà Nẵng Nguyễn Văn Quảng mâo mmông bi tuôm leh anăn mă bruă hŏng Êpul Bruă Kƀĭn Ala mơ̆ng Dhŭng Korea hruê čuă leh anăn mă bruă ti ƀuôn prŏng Đà Nẵng, mơ̆ng Kim Gi hyeon, Khua hlăm Bruă Kƀĭn Ala Dhŭng Korea, Khua dhar bruă đru mkŏ mjing klei kƀĭn trông APEC 2025.
Hlăm mmông bi tuôm, Khua bruă Đảng ƀuôn prŏng Đà Nẵng Nguyễn Văn Quảng brei thâo, akŏ mlan 8/2025 srăng mkŏ mjing Knăm dhar kreh Việt Nam – Dhŭng Korea ti ƀuôn prŏng Đà Nẵng, mbĭt anăn kah mbha dŭm klei tŭ jing djŏ tuôm hŏng Klei rang mdah film rup Asi mkŏ mjing ti ƀuôn prŏng Đà Nẵng.
Nguyễn Văn Quảng bi êdah klei hmăng hmưi lŏ dơ̆ng bi mguôp kjăp hŏng dŭm anok bruă knŭk kna leh anăn Bruă Kƀĭn Ala Dhŭng Korea čiăng mđĭ hĭn klei bi hgŭm, bi mguôp plah wah Việt Nam leh anăn Dhŭng Korea, hlăm anăn mâo plah wah ƀuôn prŏng Đà Nẵng hŏng dŭm alŭ wăl ti Dhŭng Korea.
Viết bình luận