Ti anôk bi tuôm, mnuih ƀuôn sang bi êdah klei čang hmăng anôk bruă knŭk kna dua gưl hnưm hơĭt hdră mă bruă, ba wĭt boh tŭ dưn, mkăp kơ klei čiăng mđĭ kyar bruă duh mkra – ala ƀuôn alŭ wăl. Năng mđing, mnuih ƀuôn sang mđing kơ bruă mkăp hră dưi djă yua lăn – sa klei dôk kpăk đuôm lu thŭn ka dưi msir mghaih jih.

Phan Đình Trạc bi myuôm klei đru mguôp, klei akâo mơ̆ng mnuih ƀuôn sang, mbĭt anăn mñă ñu srăng bi mklin, ba mơĭt kơ anôk bruă djŏ tuôm msir mghaih. Ñu mñă, bruă knŭk kna brei ktrâo lač klă klơ̆ng kơ mnuih ƀuôn sang hlue ngă hră mơar; ya bruă djŏ hŏng klei dưi brei msir mghaih mtam ti alŭ wăl, amâo lui mnuih ƀuôn sang ba nao kơ čar. Jih klei gun kpăk brei mâo knuă druh hưn mthâo, bi hgŭm msir mghaih./.