Hlăm klei bi tuôm, dua khua gĭt gai mñă klă hnơ̆ng yuôm bhăn mơ̆ng bruă mjing boh kdrŭt mrâo ba  klei bi hgŭm Hdră bruă kluôm dua ala čar ƀrư̆ êlam hĭn, boh nik jing pŏk ngă Hdră ngă bruă ba klei bi hgŭm Hdră bruă kluôm wưng 2025-2030. Khua knŭk kna Phạm Minh Chính mñă klă Việt Nam sa ai leh anăn srăng bi hgŭm jih ai tiê đru kơ Malaysia ngă tŭ jing bruă klam jing Khua gĭt gai ASEAN 2025.

Khua knŭk kna Amwar Ibrahim tŭ ư hŏng klei Khua knŭk kna Phạm Minh Chính akâo, bi êdah klei hdơr knga, bi hgŭm kjăp mơ̆ng Việt Nam hŏng Malaysia hlăm thŭn gĭt gai ASEAN. Ƀri gưl anei, dua khua gĭt gai ăt bi trông leh kơ dŭm bruă lu ala čar, krĭng wăl mđing leh anăn mñă klă bruă mbĭt hŏng dŭm ala čar ASEAN mđĭ klei bi hgŭm ASEAN leh anăn bruă klam mơ̆ng ASEAN.