Bi ala kơ phŭn bruă kđi čar, êpul khua kiă kriê bruă Đảng mđup brei leh čăp mnga hơêč hmưi kơ Khua adŭ bruă Đảng gưl dlông Lê Hoài Trung, Khua gĭt gai Đảng Tô Lâm lač, lu hdră êlan yuôm bhăn mơ̆ng Đảng mâo klei kăp kčĕ mơ̆ng adŭ bruă Đảng gưl dlông, boh nik hlăm wưng ară anei, êjai jih bruă kđi car hlăk dôk ngă hŏng jih ai tiê bruă gưl dlông hlue ngă hdră mtrŭn mrô 18 bi khuăt êpul mă bruă hlăm bruă kđi čar hŏng klei tŭ dưn mă bruă mâo klei tŭ dưn, mprăp kơ klei bi kƀĭn prŏng Đảng kluôm ala tal 14, ênuk đĭ kyar pral bruă duh mkra, snăn mâo bruă čuăn mơ̆ng adŭ bruă kiă kriê Đảng gưl dlông.

Blŭ hrăm mă tŭ bruă jao, Lê Hoài Trung ƀuăn srăng jih ai tiê tui hriăm, lehanăn ksiêm duah dŭm mta mrâo, mđĭ klei thâo, gĭr hlăm bruă knuă mbĭt hŏng phung khua kiă kriê hlăm adŭ bruă păn kjăp klei thâo bi mguôp, sa ai hŏng boh blŭ “Hur har, thâo bi mguôp, hŏng klei knhêč jih ai tiê bi leh bruă pô”, lŏ čuê dŭm boh tŭ dưn leh mâo mơ̆ng dŭm phung khua kiă kriê êlâo./.