VOV4.Êđê- Ksor Phiếu, djuê ana Jrai jing khua ƀuôn Blo Dung (să Ia Hrung, kdriêk Ia Grai, čar Gia Lai). Mrâô 42 thŭn ƀiădah ñu mâo mnuih ƀuôn sang mpŭ, đăo knang. Lu mnuih ƀuôn sang hlăm ƀuôn lač: Hlue ngă asăp Ksor Phiếu lač, hlue ngă hdră ñu ngă snăn klei hdĭp gŏ sang srăng bi mlih leh anăn jăk hĭn.

VOV4.Êđê- Ti čar Dak Lak dôk mâo boh klei mnuih ƀuôn sang bi koh lui hĕ dŭm ana pla mjing sui thŭn, hrô kơnăn bi kluh pla ana boh Durian hŏng klei hmăng hmưi mâo hnư hrui wĭt lu hĭn. Hŏng klei bi kluh pla msĕ sơnăn dôk ngă truh lu klei arưp aram hgăm amâo djŏ knŏng hŏng phung pla mjing ƀiădah wăt hŏng bruă duh mkra mnia mblei boh durian.

VOV4.Êđê- Anei jing klei bi mklă mơ̆ng Pô ngă bruă bi ala Êpul hgŭm ơrôp ti Việt Nam ti anôk bi kƀĭn trông “Bi trông hdră ngă bruă hlăm Klei kčah mtrŭn gang mkhư̆ klei bi rai dliê lehanăn dŭm hdră mkăp mnơ̆ng amâo ngă rai dliê, toh hroh lăn dliê ti Việt Nam, mkŏ mjing hruê 12/7, ti Dak Lak.

VOV4.Êđê - Adŭ bruă Lŏ hma lehanăn Mđĭ kyar krĭng ƀuôn sang kdriêk Čư̆ Mgar, čar Dak Lak dôk bi hgŭm hŏng dŭm alŭ wăl ksiêm tĭng klei luič liê boh durian mơ̆ng mnuih ƀuôn sang leh gưl adiê hjan prŏng, angĭn đrŭng mâo hlăm tlam mmăt hruê 6/7 lehanăn đru kčĕ hdră đru.

VOV4.Êđê- Hlăm 6 mlan akŏ thŭn, bruă lŏ hma Dak Lak mâo lu klei găl, ênoh boh mnga msĕ si kphê, tiu, durian đĭ yuôm, đru bi hơĭt klei hdĭp mnuih ƀuôn sang leh anăn mđĭ kyar bruă duh mkra ala ƀuôn kluôm čar.

VOV4.Êđê- Knơ̆ng bruă lŏ hma leh anăn mđĭ kyar krĭng ƀuôn sang čar Dak Lak mrâo mkŏ mjing klei kƀĭn trông kơ bruă čhĭ mnia durian thŭn 2024.

VOV4.Êđê- Leh 15 thŭn lông ngă 2 hdră kuai mă, mkra mjing bosit Tân Rai (Lâm Đồng) leh anăn Nhân Cơ (Dak Nông) ƀuh klă jing hdră êlan djŏ mơ̆ng Đảng leh anăn knŭk kna, đru mguôp bi mlih klei jing krĭng Lăn Dap Kngư hluê si hdră bhiăn mă yua tŭ dưn dŭm klei găl čiăng mđĭ kyar hmar leh anăn kjăp. Bi hŏng čar Dak Nông, bruă mkra mjing alumin Nhân Cơ mtrŭt mđĭ ktang klei đĭ kyar bruă duh mkra ala ƀuôn, bi klă kmeh gơ̆ng bruă duh mkra mơ̆ng čar.

VOV4.Êđê- Jhŏng mĭn, jhŏng ngă, duah êlan đĭ kyar mrâo kơ krĭng lăn sah kba kbah êa, phung mda asei ti să Êa Ñuôl, kdriêk Ƀuôn Đon, čar Dak Lak nao êlâo hlăm klei bi hmô pla boh đrač mtah. Leh 3 thŭn lông ngă bruă, truh kơ ară anei klei bi hmô mphŭn ba wĭt boh tŭ dưn.

VOV4.Êđê- Hlăm dŭm thŭn êgao, mnuih Kơ Tu ti krĭng čư̆ čhiăng čar Quảng Nam bi liê pla dliê, ba boh tŭ dưn bruă duh mkra, đru kơ ƀĭng lŏ hma mâo prăk hrui wĭt kpưn đĭ kơ mdrŏng. Khădah snăn, mnuih ƀuôn sang lu pla ana kđuč srăng klưh hroh lăn. Dŭm thŭn giăm anei, čar Quảng Nam mâo leh hdră mtrŭn lu klei mtrŭt mjhar phung pla dliê bi mlih mơ̆ng bruă pla dliê kyâo điêt jing pla kyâo prŏng, mđĭ kyar bruă duh mkra, đru răng mgang wăl hdĭp mda

VOV4.Êđê- Mbĭt hŏng kphê, durian, tiu, mdiê braih ăt jing mta mnơ̆ng mâo lu klei jăk găl mơ̆ng čar Dak Lak. Khădah snăn, braih mâo anăn knăl Dak Lak ăt hliê hluôt, lu jing mdiê Dak Lak ba čhĭ snăn. Klei mkra mjing mdiê braih jing bruă mâo klei dôk mđing mơ̆ng lu thŭn hŏng anei ƀiădah anôk bruă duh mkra ka dưi duah klei wĭt lač kơ bruă anei.