VOV4.Êđê- Ti Dak Lak, klei ruă tưp kơ mnơ̆ng rông hlăk dleh mâo ksiêm dlăng, boh nik hŏng dŭm anôk ŭn mâo klei ruă tian, lehanăn klei ruă bŏk gŭ klĭt kơ êmô hlăm čar.

VOV4.Êđê- Knăm mơak Durian Krông Pač, čar Dak Lak tal 2 thŭn 2024 tŭ jing leh jăk siam, ba klei jăk mơak hlăm ai tiê mnuih ƀuôn sang leh anăn tue hiu čhưn. Hlăm jar knăm mơak mâo leh “klei bi trông mkŏ mjing leh anăn mđĭ kyar krĭng pla durian hơĭt kjăp”. Klei bi trông mâo êbeh 600 čô bi ala mơ̆ng dŭm phŭn, dhar bruă Gưl dlông, phung bi ala anôk bruă ala tač êngao, phung kriê dlăng, phung thơ̆ng kơ bruă, kreh knhâo, anôk bruă duh mkra mnia blei durian ba čhĭ hlăm ala čar leh anăn ala tač êngao.

VOV4.Êđê- Hŏng hdră mtrŭn mrâo kuôl kă, đăo tĭng ênoh bi mnia mblei boh durian leh bi êăt mơ̆ng Việt Nam hlăm thŭn 2025 năng ai truh 300 êklăk Đô la.

VOV4.Êđê- Leh hmư̆ klei hưn ŭn mâo klei ruă tưp ô̆ eh mơ̆ng sa gŏ sang rông ŭn ti să Ea Kao, Anôk bruă mdrao mgŭn mnơ̆ng rông ƀuôn prŏng Ƀuôn Ama Thuôt, čar Daklak bi mguôp leh hŏng bruă sang čư̆ êa alŭ wăl mâo mtam hdră gang mkhư̆ klei ruă tưp kơ ŭn.

VOV4.Êđê - Hdră bhiăn gang mkhư̆ klei bi rai dliê mơ̆ng Êpul hgŭm Ơrôp (EUDR) klă sĭt dưi dưn hlăm mlan 12/2024 hŏng dŭm knơ̆ng bruă prŏng leh anăn dưn yua hŏng dŭm knơ̆ng bruă điêt leh anăn man dưn mơ̆ng hruê 30/6/2025. Dŭm klei mkăp brei, hlăm anăn mâo kphê srăng tuôm hŏng lu klei lông dlăng. Čiăng bi găl guôp hlăm wưng mrâo, bruă kphê Việt Nam, hlăm anăn mâo čar Dak Lak hmar mâo dŭm hdră êlan klă klơ̆ng.

VOV4.Êđê - Hruê mbruê 22/8, bruă sang čư êa kdriêk Krông Pač, čar Dak Lak mkŏ mjing klei kƀĭn bruă klei mrâo hưn kơ Knăm mơak Durian gưl tal 2 hŏng akŏ “Durian Krông Pač – đĭ kyar leh anăn ñŭ kma”.

VOV4.Êđê- Bến Tre jing sa hlăm dŭm alŭ wăl ti krĭng dap mnai krông Cửu Long mâo klei bi hmô rông êmô mă kđeh đĭ kyar ktang leh anăn mâo hnơ̆ng tŭ jăk. Ƀiădah kyua luč ênoh, boh tŭ bruă duh mkra amâo mâo lu, kyuanăn ƀĭng ngă lŏ hma amâo mâo lŏ khăp kơ klei bi hmô rông mnơ̆ng anei, đa đa lui war hơăi mang.

VOV4.Êđê- Khădah anôk bruă mdrao kơ mnơ̆ng rông mphŭn bu klă dŭm êbâo drei êmô mă êa ksâo ti čar Lâm Đồng djŏ klei ruă kjham leh anăn dŭm êtuh drei djiê, kyua djŏ kman mâo hlăm vaccine NAVET-LPVAC gang mkhư̆ klei ruă bŏk kđuč gŭ klĭt mơ̆ng knơ̆ng bruă Navetco. Ƀiădah klei mnuih ƀuôn sang dôk čang guôn hĭn jing bruă klam čiu tla, klei đru mơ̆ng Navetco si ngă, êjai ênoh mdrao mgŭn kơ êmô đĭ nao dơ̆ng, jih prăk kăk ƀiădah ênoh êmô djiê đĭ nanao.

VOV4.Êđê- Tlam 20/8, Anôk bruă sang čư̆ êa čar Lâm Đồng ba mdah hdră mtrŭn mkŏ mjing êpul đru mdul klei luič liê ti êpul êmô mă êa ksâo ruă tian eh m’êa lehanăn djiê lu leh tlŏ vaccine NAVET-LPVAC gang mkhư̆ klei ruă bŏk klĭt mơ̆ng Anôk bruă Navetco.

VOV4.Êđê- Bruă brei čan djŏ pô leh anăn djŏ wưng mơ̆ng Knơ̆ng prăk bruă lŏ hma leh anăn mđĭ kyar krĭng ƀuôn sang anôk bruă Dưr Dak Lak mkŏ mjing klei găl kơ ƀĭng ngă lŏ hma blei mnơ̆ng yua, hbâo pruê djŏ wưng. Klei anei đru gang mkhư̆ klei brei čan prăk mnga ktrŏ, boh klei tuôm ngă kơ lu gŏ sang lĕ hlăm klei rŭng răng.