Gĭr mđĭ hnơ̆ng êpul hgŭm bruă ngă bruă hơĭt, mâo mnga mơ̆ng 80% kơ dlông, hlăm thŭn mkŏ mjing ƀiă êdi 5 klei bi hmô êpul hgŭm bruă, hlăm anăn, kñăm kơ êpul hgŭm bruă mrâo, êpul hgŭm bruă nao mbĭt hŏng boh tŭ dưn. Anei jing mta kñăm mâo Êpul hgŭm bruă čar Dak Lak mdưm hlăm knăm mtrŭt mjhar hdră bi lông ktưn thŭn 2025.

Hlăm knăm mtrŭt mjhar, Êpul bruă čar Dak Lak iêo mthưr dŭm êpul bruă ti alŭ wăl lŏ dơ̆ng bi lar ai tiê čŏng pô, mbruă, dưn yua hdră mnêč mrâo mrang, mlih mrô leh anăn bi mguôp boh tŭ dưn čiăng mđĭ boh tŭ klei ngă bruă. Hluê anăn, mđĭ hnơ̆ng êpul hgŭm bruă ngă bruă hơĭt, mâo mnga mơ̆ng 80% kơ dlông, ênoh êpul hgŭm bruă kdlưn hĭn mâo êbeh 55%, êpul hgŭm bruă hơăi mang hrŏ ti gŭ 10%. Hlăm thŭn anei, mkŏ mjing ƀiă êdi 5 êpul hgŭm bruă bi hmô mrâo. Huỳnh Bài, Khua êpul hgŭm bruă čar Dak Lak brei thâo, êpul hgŭm srăng mâo dŭm klei đru čiăng kơ dŭm êpul hgŭm bruă dưi mâo dŭm mta kñăm.