VOV4.Êđê- Ară anei dôk mŭt hlăm yan hrui êmiêt boh mnga djŏ yan, ƀiădah ƀĭng lŏ hma ti Gia Lai amâo mơak ôh kyua amâo djŏ yan boh mnga, luč ênoh mkă hŏng thŭn dih. Bruă djŏ tuôm alŭ wăl mâo hdră msir: Hŏng ênhă amâo tŭ dưn, hnơ̆ng boh mnga ƀiă kyua mjeh amâo jăk snăn mtrŭt mnuih ƀuôn sang mlih mjeh kñŭl mrâo amâodah pla ana boh kroh, ana sui thŭn mâo ênoh bruă duh mkra yuôm amâodah ana êa drao ti gŭ êyui kñŭl.

VOV4.Êđê- “Mđĭ lar hĭn klei găl leh anăn klei mâo hlăm bruă lŏ hma leh anăn mđĭ kyar krĭng ƀuôn sang plah wah Việt Nam leh anăn Dhŭng Korea” jing boh phŭn klei bi trông “Hnơ̆ng trah dlăng bi hgŭm Việt Nam-Dhŭng Korea hlăm bruă lŏ hma leh anăn mđĭ kyar krĭng ƀuôn sang 2024-2030” kyua Phŭn bruă lŏ hma leh anăn mđĭ kyar krĭng ƀuôn sang bi hgŭm hŏng Anôk bruă bi hgŭm hŏng lu ala čar Dhŭng Korea (Koica) mkŏ mjing aguah 18/3 ti Hà Nội.

VOV4.Êđê- Hluê ngă “Kdrăp mrô 10 êbâo ana boh durian ti hră kak lăn ana kyâo mtah” hruê 17/3 mbruê, phung êdam êra čar Dak Lak bi hgŭm hŏng dŭm êpul djŏ tuôm mphŭn mkŏ dưm mta QR kơ ana boh durian ti să Čư̆ Kpô, kdriêk Krông Ƀŭk.

VOV4.Êđê - Hlăm hdră bruă dua nah ti Mi ƀri nao ti Klei bi kƀĭn tal 68 Dhar bruă phung mniê mŏng Êpul hgŭm bruă duh mkra, yang ƀuôn Êpul hgŭm lu ala čar, K’iăng khua lăn čar Võ Thị Ánh Xuân bi tuôm leh hŏng Khua phŭn bruă Lŏ hma Mi Thomas J. Vilsack.

VOV4.Êđê - Bruă sang čư êa čar Lâm Đồng mrâo jao hdră tŭ yap OCOP mâo 4 mtŭ kơ 21 mta mnơ̆ng dhơ̆ng, mđĭ ênoh mnơ̆ng dhơ̆ng mâo ênŭm hnơ̆ng čuăn OCOP ti alŭ wăl jing giăm 400

VOV4.Êđê -Phung pla tiu ti dŭm čar hlăm krĭng Lăn Dap Kngư dôk mŭt hlăm wưng hrui pĕ. Ênoh tiu ară anei kah knar mơ̆ng 93 – 95 êklăk prăk hlăm sa tôn, jing ênoh yuôm hĭn mơ̆ng thŭn 2016 truh kơ ară anei. Khădah ênoh tiu dôk đĭ yuôm leh anăn mâo 95 êbâo prăk hlăm sa kg, ƀiădah ƀĭng ngă lŏ hma ka ruăt ba čhĭ ôh. Kyuadah hluê si klei tĭng mkă, ênoh duh bi liê lu, prăk mnga dôk mâo mă knŏng ƀiă.

VOV4.Êđê – “Ksiêm dlăng bruă kđi čar mơ̆ng Hdră mtrŭn mrô 10 čiăng bi tŭ ư hdră kriê dlăng Knŭk kna hlăm bruă lăn ala lehanăn mnơ̆ng yuôm hlăm gŭ lăn, boh nik bruă ksiêm dlăng mnơ̆ng yuôm hlăm gŭ lăn”. Anei jing klei mtă mơ̆ng K’iăng khua knŭk kna Trần Hồng Hà ti anôk bi kƀĭn hmư̆ klei hưn mdah kơ Hdră bhiăn lăn ala lehanăn mnơ̆ng yuôm hlăm gŭ lăn aguah hruê 13/3, ti Anôk bruă Knŭk kna.

VOV4.Êđê - 8.000 gŏ sang pla kphê hŏng ênhă điêt ti krĭng dleh dlan mơ̆ng čar Dak Lak srăng dưi đru hluê ngă hdră pla kphê h’ĭt kjăp djŏ guôp hŏng klei bi mlih yan adiê wưng thŭn 2023-2028.

VOV4.Êđê - Khădah hlăm wưng anei ka jing wưng knhal tuič kơ klei thu krô kƀah êa ôh, ƀiădah ênao Đan Kia- Suối Vàng ti gŭ jơ̆ng čư̆ Langbiang, êa kơ anei khuott leh amâo mâo djăp ôh êa mkăp kơ ƀuôn prŏng Đà Lạt (Lâm Đồng). Bi knăl kơ sayan bhang không kƀah êa prŏng hlăm lăn kngư Lâm Viên.

VOV4.Êđê - Aguah mbruê 4/3, ti Hà Nội, Phŭn bruă lŏ hma leh anăn mđĭ kyar krĭng ƀuôn sang bi mguôp hŏng anôk bruă bi ala Mi ti Việt Nam mkŏ mjing klei kƀĭn trông “Mđĭ ai dưi hluê ngă hdră bhiăn gang mkhư̆ klei čhĭ mnia kyâo soh hŏng hdră bhiăn plah wah Việt Nam leh anăn Mi”.