Tui si Nguyễn Thị Ngân Hà, anôk ksiêm dlăng klei ruă, lehanăn mdrao mgŭn mnơ̆ng rông čar Gia Lai, klei ruă tưp kơ ŭn ô̆ eh hlăk dleh dưi ksiêm dlăng. Knŏng hlăm sa mlan êgao, Gia Lai mâo leh 5 anôk mâo klei ruă tưp, mâo leh êbeh 300 drei ŭn ruă ba bi rai.

Kyuanăn, klei ksiêm dlăng hlăm dŭm anôk čuh tă, rơ̆ng bi mâo kđeh čĭm ŭn doh, ktang hĭn bi mă bruă kjăp. Dhar bruă djŏ tuôm čar Gia Lai hlăk kiă kriê dŭm alŭ wăl mđĭ hĭn bruă ksiêm dlăng, boh nik hlăm dŭm anôk čuh tă, lehanăn dŭm anôk čhĭ mnia ŭn hgăl lehanăn kđeh čĭm ŭn hlăm čar. Mâo klei hâo hưn mtă mtăn kơ jih jang mnuih ƀuôn sang, boh nik hŏng dŭm gŏ sang dôk rông ŭn./.