Ti Gia Lai, dŭm anôk bruă dưi ƀuh ti 29 gŏ sang rông hlăm 24 alŭ ƀuôn hlăm 14 ƀuôn hgŭm. Mkă hŏng hruê kăm êlâo, ênoh să đĭ thiăm 6 alŭ wăl, hlăm anăn mâo 5 ƀuôn hgŭm alŭ wăl Yŭ Gia Lai leh anăn 1 ƀuôn hgŭm ti Ngŏ Gia Lai mâo Ia Tul, Ia Krái, Ia Grai, Chư Sê, Ia Krêl, Tuy Phước. Čhiăng ksiêm dlăng klei ruă tưp, hlăm êbeh sa mlan êgao, 4 anôk gak răng ksiêm dlăng klei ruă tưp mlir dhar bruă ti dŭm bĭt êlan dơ̆ng phŭn mơ̆ng čar Gia Lai ksiêm dlăng giăm 900 gưl êdeh dŭ mdiăng hlô mnơ̆ng, ngă klei krih êa drao mdjiê kman jih jang êdeh mŭt kbiă hlăm čar.

Knơ̆ng bruă lŏ hma leh anăn wăl hdĭp mda čar Gia Lai lŏ dơ̆ng gĭt gai dŭm alŭ wăl ksiêm dlăng, mă mta ksiêm mkă, mgaih msir jih hnơ̆ng dŭm anôk mâo klei ruă, mbĭt anăn hâo hưn, brei mnuih ƀuôn sang čŏng hưn mdah leh anăn ngă dŭm hdră êlan gang mkhư̆ klei ruă tưp.