Dak Lak ksiêm dlăng kjăp hnơ̆ng tŭ jăk boh durian mơ̆ng krĭng pla mtam
Thứ năm, 13:57, 07/08/2025
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Čar Dak Lak dôk mŭt hlăm yan hrui boh durian thŭn 2025 hlăk klei čiăng ksiêm dlăng hnơ̆ng tŭ jăk ƀrư̆ hruê ƀruă kjăp mơ̆ng wăl anôk mnia mblei.
Kluôm čar Dak Lak mâo giăm 41.000 ha boh durian, hlăm anăn 26.600ha dôk hrui êmiêt, đĭ 4.000 ha mkă hŏng thŭn 2024. Hnơ̆ng mâo tĭng truh 392.000 ton, đĭ hlăm brô 30.000 ton. DakLak ară anei mâo 269 mrô krĭng pla dưi mkăp hŏng ênhă êbeh 7.400 ha, hnơ̆ng mâo truh 220.000 ton.
Ti alŭ wăl čar ăt mâo êbeh 250 anôk hrui blei – mkra mjing, 11 anôk bi ê’ăt lehanăn 40 anôk đŭng hruh boh durian dưi mkăp mrô ba čhĭ kơ ala tač êngao. Hluê si Nguyễn Minh Huấn, Khua knơ̆ng bruă Lŏ hma lehanăn wăl hdĭp mda čar DakLak, čiăng ksiêk kjăp hnơ̆ng tŭ jăk, čar Dak Lak kah mbha leh bruă kriê dlăng krĭng pla, anôk đŭng hruh lehanăn hdră mnia mblei boh durian kơ anôk bruă knŭk kna gưl să./.
Viết bình luận