Dak Lak ba čhĭ mnơng lŏ hma, mnơ̆ng hlăm dliê kmrơng, kan hdang êbeh 2,3 êklai USD
Thứ năm, 10:05, 15/10/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Hlăm 9 mlan êgao, ênoh prăk bi mnia mblei hŏng ala tač êngao boh mnga bruă lŏ hma, dliê kmrơ̆ng, kan hdang mơ̆ng čar Dak Lak mâo êbeh 2.3 êklai USD, đĭ êbeh 6% mkă hŏng wưng anei thŭn dih.
Hlăm êpul mnơ̆ng dhơ̆ng ba čhĭ phŭn, kphê lŏ dơ̆ng krơ̆ng kjăp anăn knăl ba akŏ hŏng ênoh prăk giăm 900 êklăk USD. Boh kroh ăt jing êpul mnơ̆ng ba hnư hrui wĭt prăk kơ ala tač êngao năng mđing, hŏng ênoh prăk hlăm brô 557 êklăk USD; hlăm anăn lu jing ba čhĭ boh durian.
Čiăng krơ̆ng kjăp hnơ̆ng đĭ kyar leh anăn êgao hdră kčah mâo êbeh 3 êklai USD, Dak Lak srăng lŏ dơ̆ng đru kơ phung mkra mjing leh anăn anôk bruă duh mkra pŏk mlar anôk ba čhĭ, mđĭ hnơ̆ng bruă logistics, mtrŭt mđĭ bruă mkra mjing êlam, hluê anăn mđĭ ênoh yuôm leh anăn ai bi ktưn mơ̆ng bruă lŏ hma, kan hdang alŭ wăl.
Viết bình luận