Dak Lak ksiêk kjăp dŭm hdră mtrŭn, hdră kčah ngă bruă mrâo
Thứ năm, 11:13, 21/05/2026
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Hruê 20/5, Anôk kriê dlăng bruă Đảng čar Dak Lak mkŏ mjing Klei bi kƀĭn ksiêk kjăp bruă hluê ngă hră mơar mơ̆ng Gưl dlông lehanăn bruă Đảng čar hŏng hdră klă anăp mguôp hŏng online truh kơ phung knuă druh, mnuih mă bruă phŭn ti dŭm gưl.
Klei kƀĭn mđing bi trông kơ dŭm mta phŭn yuôm bhăn djŏ tuôm kơ hdră mđĭ kyar bruă duh mkra – ala ƀuôn ti alŭ wăl, êdah êdi jing Hdră ngă bruă hluê ngă Hdră mtrŭn Klei bi kƀĭn tal XIV mơ̆ng Đảng lehanăn mta kñăm mđĭ kyar bruă duh mkra wưng thŭn 2026-2030, hnơ̆ng trah dlăng truh thŭn 2045.
Phung bi ala dưi hưn mthâo kơ mta phŭn mđĭ kyar bryă duh mkra knŭk kna hluê Hdră mtrŭn mrô 79 mơ̆ng Phŭn bruă kđi čar, mbĭt hŏng bruă klam mkra mlih klei ngă hră mơar, mđĭ kyar bruă dhar kreh – ala ƀuôn. Blŭ hrăm klah cŭn, Khua bruă Đảng čar Dak Lak Lương Nguyễn Minh Triết mtă kơ dŭm gưl, dhar bruă pral bi sĭt hŏng bruă ngă klă klơ̆ng, mđĭ klei đua klam mơ̆ng khua kiă kriê, sa ai hŏng bruă pŏk ngă dŭm klei gĭt gai mơ̆ng Gưl dlông lehanăn mơ̆ng čar./.
Viết bình luận