Khua gĭt gai Đảng, Khua lăn čar mñă klă 5 klei mĭn prŏng čiăng lŏ dơ̆ng mđĭ bruă mkra mnơ̆ng dhơ̆ng pioh rŭ mdơ̆ng hlăm wưng kơ anăp, hlăm anăn, brei bi mklă bruă tuh tia mkra mjing mnơ̆ng rŭ mdơ̆ng jing bruă tuh ttia mkra mjing phŭn hlăm hdră bruă yua tuh tia mkra mjing mrâo, bi mrâo mrang lăn čar.

Khua gĭt gai Đảng, Khua lăn čar lač klă, klei gĭr mơ̆ng ba yua mnơ̆ng čŏng mâo jing mkra mjing êlam, thâo yua kdrăp mrâo leh anăn mđĭ ênoh yuôm hlăm ala čar; mđĭ dŭm bruă  mnơ̆ng dhơ̆ng mâo leh hlue si hdră mtah hĭn, doh hĭn, kdrăp mrâo hĭn, ênoh yuôm prŏng hĭn; mjing klei êdah kdlưn kơ kreh knhâo - kdrăp mrâo, hnơ̆ng čuăn, bi mklă leh anăn mnuih mă bruă hnơ̆ng jăk; mđĭ kyar anôk bruă duh mkra Việt Nam leh anăn mkŏ  mjing anôk ba čhĭ hlăm ala čar kơ mnơ̆ng rŭ mdơ̆ng mrâo, mnơ̆ng rŭ mdơ̆ng mtah, mnơ̆ng rŭ mdơ̆ng phŭn bi leh klei bhiăn bi hgŭm mlir dhar bruă, mđĭ ksiêm dlăng, ktuê dlăng leh anăn răng mgang klei tŭ dưn ala čar hlăm klei ñŭ kma lu ala čar.