Blŭ hrăm klah čŭn, Khua gĭt gai Đảng, Khua lăn čar mñă, hdră mdrao hluê knhuah djuê ana mơ̆ng ala čar drei amâo djŏ knŏng mđing truh kơ hdră mdrao ƀiădah lŏ mđing kơ bruă bi jăk, êđăp asei mlei, mđĭ ai dưi čŏng bi hlao mơ̆ng asei mlei. Anei jing klei bhiăn gơ̆ jĕ giăm hŏng hdră mdrao ênuk mrâo, mă mnuih ƀuôn sang jing phŭn hlăm hdră dlăng kriê klei suaih pral.

Khua gĭt gai Đảng, Khua lăn čar mtă kơ anôk bruă mdrao mgŭn brei mâo klei mĭn mrâo, hnơ̆ng trah dlăng mrâo lehanăn hdră mjĕ mrâo hlăm bruă mđĭ kyar hdră mdrao hluê knhuah djuê ana; lŏ čuê boh tŭ yuôm hdră mdrao djuê ana hluê tur knơ̆ng bruă kreh knhâo mrâo mrang. Mbĭt anăn, brei mđĭ kyar hdră mdrao hluê knhuah djuê ana hlăm hdră mđĭ kyar kluôm mơ̆ng ala čar, mguôp hŏng hdră mđĭ kyar anak mnuih Việt Nam, dlăng kriê klei suaih pral yang ƀuôn, kdrăp sinh học, hdră mkra ana mkra êa drao lehanăn bruă duh mkra klei suaih pral mơ̆ng kluôm ala./.