Tlam (21/5), Knơ̆ng bruă sang čư̆ êa čar Quảng Ngãi mkŏ mjing ksiêm dlăng hnơ̆ng msir mgaih hdră bruă bi liê knŭk kna ti nah Yŭ čar. Truh ară anei, kluôm čar msir mgaih hlăm brô 927 êklai prăk, mâo 12% hdră kčah prăk bi liê Knŭk kna jao, ƀiă hĭn hnơ̆ng kah knar mbĭt kluôm ala. Hjăn nah Yŭ čar Quảng Ngãi mâo jao hlăm brô 2.800 êklai prăk bi liê knŭk kna thŭn 2026.

Truh hruê 20/5, krĭng wăl anei msir mgaih êbeh 514 êklai prăk, mâo êbeh 18% hdră kčah jao. Khua gĭt gai Knơ̆ng bruă sang čư̆ êa čar Quảng Ngãi brei thâo, krĭng wăl Lăn Dap Kngư mŭt hlăm yan hjan, tơdah amâo mđĭ pral hnơ̆ng srăng hmăi prŏng kơ klei rŭ mdơ̆ng hdră bruă. Khua gĭt gai Knơ̆ng bruă sang čư̆ êa čar mtă kơ phung bi liê, alŭ wăl ƀuăn rơ̆ng hnơ̆ng msir mgaih prăk bi liê hlue si grăp mlan, mơĭt kơ hdră kčah klă klơ̆ng čiăng ksiêm dlăng. Knơ̆ng bruă sang čư̆ êa čar mtă kơ dŭm alŭ wăl kƀĭn msir mgaih bi jih klei kpăk đuôm kơ anôk ala sui thŭn. Dŭm klei adôk kpăk brei bi hgŭm kjăp, bi kƀĭn ruh mgaih, amâo brei klei mâo klei dêč bruă klam ngă hmăi kơ bruă mbĭt.