Kahan alŭ wăl 5 đru rŭ mdơ̆ng sang hră knŭk kna čiêm rông mlir gưl alŭ wăl knông lăn
Thứ năm, 10:29, 21/05/2026
Pô mblang: Y-Khem Niê
Pô mblang: Y-Khem Niê
VOV.Êđê – Ti Knơ̆ng kiă kriê kahan alŭ wăl 5, Trung tướng Lê Ngọc Hải, Khua knơ̆ng kiă kriê kahan alŭ wăl 5 kiă kriê leh klei bi kƀĭn hmư̆ klei hâo mdah boh tŭ dưn klei ksiêm dlăng bruă rŭ mdơ̆ng sang hră knŭk kna čiêm rông mlir gưl 1 lehanăn 2 ti dŭm boh ƀuôn hgŭm knông lăn hlăm alŭ wăl kwar krah – lăn dap kngư.
Ară anei hlăm alŭ wăl kahan alŭ wăl 5 hlăk dôk rŭ mdơ̆ng 22 boh sang hră knŭk kna čiêm rông mlir gưl. Dŭm boh sang hră mâo duh bi liê mđrăm hlăm sa blư̆ jih jang bruă rŭ mkra, mơ̆ng adŭ hriăm, sang phung nai kiă kriê, sang ngă bruă, sang dlăng hră, ênao luê êa, sang huă ƀơ̆ng, alŭ wăl anôk dôk kơ phung hđeh, lehanăn dŭm anôk hriăm mjuăt asei mlei.
Čiăng pral dưi bi leh êlâo kơ phung hđeh hriăm hră thŭn mrâo 2026-2027, djăp alŭ wăl akâo kơ kahan alŭ wăl 5 pral mă bruă, čiăng bi leh jih jang bruă rŭ mdơ̆ng, ba yua sang hră kơ phung hđeh hriăm hră ti krĭng knông lăn, krĭng dleh dlan hmao hriăm djŏ hrue kčah./.
Viết bình luận