Khua gĭt gai Tô Lâm mñă, Việt Nam amâo mâo kƀah ôh klei găl, ƀiădah boh phŭn jing brei bi mâo hdră êlan mă bruă bi djŏ, dưn yua klei ngă bruă bi năng kơ klei mđĭ kyar mrâo. Wưng tinăp kñăm čiăng bi mâo truh dua mrô. Yuôm bhăn jing brei mâo hdră êlan bi mlih klei mĭn kơ ai dưi mă bruă.

Khua gĭt gai Tô Lâm brei mđing kơ 6 mta bruă čuăn, hdră êlan mă bruă anăn jing: Mkŏ mjing klei bhiăn pŏk êlan kơ bruă dưn yua klei dưi. Hlăm anăn mâo lăn ala, klei duh bi liê, klei čuăl mkă, bruă mkŏ mjing, ngăn dŏ kluôm, prăk kăk, klei bi hgŭm duh bi liê, hdră êlan mă bruă, bruă kiă kriê klei mĭn, kreh knhâo kdrăp mrâo, hdră bi hmô kơ klei duh mkra mrâo, lehanăn hdră êlan lông mă bruă hlăm klei dưi ksiêm dlăng. Êjai mkŏ mjing klei bhiăn, brei lăm lui mtam klei mĭn “dah amâo mâo dưi kiă kriê snăn kăm”, sa mta klei, sa mta bruă knŏng čoh čuăn hŏng sa klei bhiăn, bi mlih jih hnơ̆ng klei ngă hră mơar, bi mlih pral mơ̆ng bruă ksiêm mơ̆ng akŏ hlŏng kơ truh knhal tuič, rơ̆ng bi mâo hdră bhiăn klă mngač, sa hnơ̆ng dưi thâo ƀuh kbưi./.