VOV4.Êđê- Bi mklă bruă djuê ana leh anăn kriê dlăng klei hdĭp mda mnuih djuê ƀiă jing bruă klam yuôm bhăn, hlăm wưng êgao, čar Sóc Trăng kƀĭn mđĭ pral bruă pŏk ngă dŭm hdră bruă… hlăm Hdră ala čar kñăm mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng, wưng 2021 - 2030, hlăm anăn, mâo bruă đru bi mlih bruă kơ mnuih djuê ƀiă, mơ̆ng anăn grăp knhuang đru kơ gŏ êsei ƀun mâo thiăm klei găl mă bruă, mđĭ prăk hrui wĭt, grăp knhuang hơĭt klei hdĭp mda.

VOV4.Êđê- Lu đảng viên mnuih Êđê ti kdriêk Krông Pač, čar Dak Lak gĭr ktưn mđĭ kyar bruă duh mkra tlaih ƀun. Diñu jing leh gru mngač êdah êdi čiăng kơ mnuih ƀuôn sang hlăm ƀuôn tui hriăm.

VOV4.Êđê- Pral čiăng mâo mkra knơ̆ng êa mlai anei hlăm hnoh krông Pa, kdrêč găn wăl krah An Khê, čar Gia Lai srăng đru mkhư̆ klei čhŏ djhan, mjing krĭng wăl siam, mtrŭt mđĭ bruă duh mkra ala ƀuôn hlăm alŭ wăl.

VOV4.Êđê- Êpul mă bruă mơ̆ng Phŭn bruă lŏ hma leh anăn mđĭ kyar krĭng ƀuôn sang mâo K’iăng Khua phŭn bruă Phùng Đức Tiến ngă khua êpul nao ksiêm dlăng boh sĭt pŏk ngă hdră gang mkhư̆ klei ruă tian eh hlăm êpul êmô mă êa ksâo ti 2 kdriêk Đức Trọng leh anăn Đơn Dương, čar Lâm Đồng.

VOV4.Êđê- 15 mta mnơ̆ng mơ̆ng kphê mâo hrŏng ruah ba bi lông yap jing kphê jăk hĭn mơ̆ng Việt Nam 2024 srăng ba bi lông čhĭ mđĭ ênoh hlăm hrue 17/8 anăp anei ti Hà Nội.

VOV4.Êđê- Aguah mbruê 7/8, Anôk bruă čih mkra mơ̆ng Êpul bruă Duh mkra – ala ƀuôn mkŏ mjing Klei bi kƀĭn kluôm đru mguôp klei blŭ kơ Klei čih mkra hdră hưn mdah bruă tĭng dlăng 5 thŭn hluê ngă Hdră êlan mđĭ kyar bruă duh mkra – ala ƀuôn 10 thŭn 2021 – 2030, hdră êlan, bruă klam mđĭ kyar hdră duh mkra – ala ƀuôn 5 thŭn 2026 – 2030 (klah čŭn Klei hưn mdah bruă Duh mkra – ala ƀuôn)

VOV4.Êđê- Hlăm 2 hruê 6 lehanăn 7/8, čar Dak Lak mkŏ mjing leh bruă bi mklă mnơ̆ng OCOP (Hdră grăp să sa mta mnơ̆ng dhơ̆ng) gưl 2.

VOV4.Êđê- Čar Dak Lak mâo ênhă pla mjing durian prŏng hĭn hlăm lăn čar, dôk kčưm kơ wưng hrui pĕ boh durian thŭn 2024. Wưng hrui pĕ anei bŏ hŏng klei hmăng hmưi mơ̆ng čar, đăo knăl mâo êbeh 300 êbâo tôn, kčưm wưng hrui pĕ hŏng lu klei rŭng răng, êjai hjan sui ngă kơ boh durian luh hnưm, hnơ̆ng tŭ jăk dleh ksiêm dlăng. Klei hjan hlĭm sui leh anăn dŭm klei dôk mâo brei ƀuh, klei găl mklăk yan mơ̆ng Dak Lak ăt jing klei lông dlăng prŏng, čiăng mâo dŭm hdră êlan hrăm mbĭt čiăng mgaih msir leh anăn bi lar.

VOV4.Êđê- Krĭng pla mjing boh durian Krông Pač mơ̆ng čar Dak Lak mprăp mŭt leh hlăm wưng hrui pĕ leh anăn mprăp kơ Knăm mơak Durian gưl tal 2, akŏ mlan 9 kơ anăp. Amâo djŏ knŏng jing alŭ wăl pla durian prŏng hĭn, hŏng êbeh 8.000ha hlăm wưng hrui pĕ, Krông Pač lŏ jing anôk hrui blei, đung hruh, mnia mblei durian mơ̆ng Dak Lak leh anăn krĭng Lăn Dap Kngư. Čiăng rơ̆ng kơ bruă hrui pĕ, bruă sang čư̆ êa dŭm gưl kdriêk Krông Pač dôk đĭ hĭn bruă rơ̆ng kơ hnơ̆ng tŭ jăk, răng mgang klei êđăp ênang, ktuê dlăng klei čhĭ mnia leh anăn rơ̆ng kơ hnơ̆ng tŭ jăk mnơ̆ng dhơ̆ng. Pô čih klei mrâo Tuấn Long mâo klei blŭ hrăm hŏng Trần Hồng Tiến – Khua bruă Đảng kdriêk Krông Pač kơ mta phŭn anei.

VOV4.Êđê- Hdră mtrŭn Klei bi kƀĭn kphê jăk tal 2, wưng 2024-2029 mkŏ mjing hruê 2-8, ti ƀuôn prŏng Ƀuôn Ama Thuôt, čar Dak Lak.