VOV4.Êđê- Ară anei, lu boh mnga ti lăn dap kngư phŭn jing kphê, tiu, boh durian... hlăk mâo ênoh, đru bi mlih leh klei hdĭp mnuih ƀuôn sang. Čhĭ yuôm klei hdĭp mâo klei bi mlih lehanăn dưi lŏ pŏk mlar anôk mnia mblei hŏng ala tač êngao. Khădah hmăi amâo mâo jăk mơ̆ng Elnino ba hriê klei mđiă không prŏng, hmăi leh amâo mâo jăk êdi hŏng mnơ̆ng pla mjing ti lăn dap kngư, mnuih ƀuôn sang hlăk dôk gĭr duah êa krih kơ mnơ̆ng pla mjing, kñăm răng kriê mnơ̆ng pô pla mjing mơ̆ng bruă kngan pô ngă:

VOV4.Êđê- Hlăm wưng êgao, leh dŭm wưng mjuăt bi hriăm bruă, lu mnuih mă bruă ti krĭng ƀuôn sang čar Dak Lak, boh nik jing mnuih ƀuôn sang djuê ana ƀiă, mjing leh bruă mă, mđĭ hnư hrui wĭt, bi h’ĭt klei hdĭp. Mbĭt anăn, klei hriăm bruă ăt đru kơ mnuih ƀuôn sang pŏk êlan nao mrâo hlăk mkŏ mjing dŭm êpul ngă bruă duh mkra pla mjing, mnia mblei ti alŭ wăl.

VOV4.Êđê - Aguah mbruê 26/4, ti ƀuôn prŏng Ƀuôn Ama Thuôt, Anôk bruă mtrŭt mđĭ klei mnia mblei – Phŭn bruă tuh tia bi mguôp hŏng bruă sang čư êa čar Dak Lak mkŏ mjing Klei kƀĭn trông mtrŭt mđĭ klei mnia mblei leh anăn mđĭ kyar klei blei mnia krĭng Lăn Dăp Kngư.

VOV4.Êđê- Adiê thu krô, mđiă hlơr mâo sui ngă kơ lu ênhă kphê ti kdriêk Đăk Hà, čar Kon Tum krô hla, krô adhan lehanăn luh boh.

VOV4.Êđê- Yan Puih mnga thŭn anei, mnuih pla hbei tao ti Gia Lai dôk amâo h’ĭt pĭt amâo mđao kyua amâo mâo boh mnga, ênoh čhĭ hrŏ êbeh 60% ƀiădah kăn mâo mnuih hrui blei. Thŭn êlâo, mnuih ngă bruă “Djŏ boh mnga čhĭ mâo ênoh”, kyua anăn lu ƀĭng ngă lŏ hma pŏk mlar leh ênhă čhĭ. Ti Gia Lai, ênhă pla mrâo đĭ, mâo anôk đĭ truh 300% mkă hŏng yan êlâo. Ti anăp klei dleh dlan hlăm hdră hrui blei, anôk bruă djŏ tuôm bi hgŭm leh hŏng dŭm anôk mkăp čiăng “Đru” kơ ƀĭng ngă lŏ hma.

VOV4.Êđê- Hruê 24/4, ti Đà Lạt (Lâm Đồng) mkŏ mjing Klei bi lông ruah kphê jăk Arabica Việt Nam tal 10.

VOV4.Êđê – Ênoh kphê đĭ hlăm wưng êgao, ngă kơ klei čiăng čan prăk duh kơ bruă pla mjing kphê ti Dak Lak đĭ. Knơ̆ng prăk knŭk kna Việt Nam ti Dak Lak gĭt gai dŭm anôk bruă brei čan prăk ti alŭ wăl bi knar prăk duh, mđing mkăp prăk kơ mnuih ƀuôn sang lehanăn anôk bruă duh mkra

VOV4.Êđê- Adiê mđiă hlơr sui ngă kơ hnơ̆ng êa hlăm dŭm ênao mgơ̆ng êa ti Dak Lak hrŏ lu, hmăi kơ bruă mkra mjing lŏ hma. Dŭm alŭ wăl hlăm čar dôk ngă lu hdră msir mdrơ̆ng hŏng adiê không kƀah êa.

VOV4.Êđê- Kñăm mđĭ hĭn bruă bi hgŭm ksiêm hriăm klei kreh knhâo kdrăp mrâo hlăm bruă lŏ hma leh anăn bruă duh mkra- ala ƀuôn ti krah 5 čar Lăn Dap Kngư leh anăn ƀuôn prŏng Hồ Chí Minh, mrâo êgao, ti čar Kon Tum mkŏ mjing Klei bi kƀĭn kreh knhâo gưl krĭng “Bi trông ba yua kdrăp mrâo hlăm klei mkŏ mkra gru hmô ba yua kdrăp mrâo; hdră pla, bi lar mjeh, mkra mjing, răng kriê ana pla mjing dŭm čar krĭng Lăn Dap Kngư”.

VOV4.Êđê- Hlăm wưng anei phung pla mjing hbei tao ti krĭng Lăn Dăp Kngư dôk rŭng răng kyua ênoh čhĭ êlưih. Mâo hŏng anei 6 mlan, ênoh sa tôn hbei tao mâo 23 êklăk prăk, anei knŏng adôk mă 1/5. Ăt pla mjing hbei tao, ti dah ti nah êngao ƀuôn prŏng Ƀuôn Ama Thuôt, čar Dak lak, knơ̆ng bruă duh mkra mnia mblei Sweet Potatoes mâo klei hơ̆k mơak hŏng boh tŭ dưn mơ̆ng pô, kyua ngă kjăp mơ̆ng hdră kai hli lăn, ruah mjeh truh kơ anôk ba čhĭ.