Thŭn 2025, khădah hmăi amâo jăk mơ̆ng klei yan adiê ngă lehanăn hdră bi mlih anôk bruă leh hluê ngă hdră knŭk kna alŭ wăl 2 gưl, bruă ngă lŏ hma kluôm krĭng ăt rơ̆ng hnơ̆ng đĭ kyar hơĭt kjăp. 9 mlan thŭn 2025, ênoh prăk bi mnia mblei kphê hŏng tač êngao mâo giăm 7 êklai USD, boh kroh êbeh 6 êklai USD, kñŭl êbeh 3 êklai USD.

Mơ̆ng boh sĭt, phung knuă druh ngă bruă lŏ hma gưl să, lu anôk bruă duh mkra akâo kơ Phŭn bruă Lŏ hma – wăl hdĭp mda lŏ dơ̆ng đru mjuăt bi hriăm klei thâo kơ bruă, hnưm ngă leh hdră čuăl mkă, ktrâo lač dŭm mta hră mơar kah mbha gưl leh bi mŭt mbĭt. Hoàng Trung, kơiăng khua Phŭn bruă Lŏ hma – wăl hdĭp mda čih yap dŭm klei blŭ ti anôk bi kƀĭn, lač hdră msir mghaih jing bruă mjêč ară anei kñăm rơ̆ng klei găl hlăm bruă lŏ hma ti Lăn dap kngư – Dhŭng kwar Krah dưi mđĭ lar./.