Klei trông čhai anei, mâo lu phung truăn kơ bruă, phung duh mkra lehanăn êpul hgŭm bruă, lehanăn mnuih pla mjing hrie mơ̆ng čar Daklak, Gia Lai lehanăn Lâm Đồng nao kƀĭn. Ti anôk trông čhai, phung bi ala mđing kơ bruă dlăng kriê wiê ênăk mnơ̆ng pla mjing, ba yua kdrăp mă bruă thâo mĭn, mkŏ mjing mrô knăl krĭng pla mjing pioh kơ bruă čhĭ mnia kơ ala tač êngao. Dŭm klei êmuh, dŭm klei mnuih pla mjing dôk bi mĭn jing leh bruă yuôm bhăn kơ bruă pla mjing lŏ dơ̆ng bi leh hdră êlan mă bruă hlăm wưng tinăp.

Tui si hdră êlan mđĭ kyar truh kơ thŭn 2030, jih jang bruă lŏ hma hlăm kluôm ala srăng mđing kơ 7 mta bruă phŭn, mđing tal êlâo kơ klei bi mlih mrô, mđĭ kyar bruă pla mjign doh, mjuăt bi hriăm mnuih pla mjing, lehanăn pŏk phai klei bi hgŭm, kñămbi sĭt mta kñăm bruă lŏ hma doh, ênuk mrâo phung ngă lŏ hma kreh knhâo hlăm krĭng lăn dap kngư./.