VOV4.Êđê- Jhŏng mĭn, jhŏng ngă, duah êlan đĭ kyar mrâo kơ krĭng lăn sah kba kbah êa, phung mda asei ti să Êa Ñuôl, kdriêk Ƀuôn Đon, čar Dak Lak nao êlâo hlăm klei bi hmô pla boh đrač mtah. Leh 3 thŭn lông ngă bruă, truh kơ ară anei klei bi hmô mphŭn ba wĭt boh tŭ dưn.

VOV4.Êđê- Hlăm dŭm thŭn êgao, mnuih Kơ Tu ti krĭng čư̆ čhiăng čar Quảng Nam bi liê pla dliê, ba boh tŭ dưn bruă duh mkra, đru kơ ƀĭng lŏ hma mâo prăk hrui wĭt kpưn đĭ kơ mdrŏng. Khădah snăn, mnuih ƀuôn sang lu pla ana kđuč srăng klưh hroh lăn. Dŭm thŭn giăm anei, čar Quảng Nam mâo leh hdră mtrŭn lu klei mtrŭt mjhar phung pla dliê bi mlih mơ̆ng bruă pla dliê kyâo điêt jing pla kyâo prŏng, mđĭ kyar bruă duh mkra, đru răng mgang wăl hdĭp mda

VOV4.Êđê- Mbĭt hŏng kphê, durian, tiu, mdiê braih ăt jing mta mnơ̆ng mâo lu klei jăk găl mơ̆ng čar Dak Lak. Khădah snăn, braih mâo anăn knăl Dak Lak ăt hliê hluôt, lu jing mdiê Dak Lak ba čhĭ snăn. Klei mkra mjing mdiê braih jing bruă mâo klei dôk mđing mơ̆ng lu thŭn hŏng anei ƀiădah anôk bruă duh mkra ka dưi duah klei wĭt lač kơ bruă anei.

VOV4.Êđê – Kluôm čar ară anei mâo giăm 6.000ha đang boh durian, hlăm anăn ênhă mboh leh truh mkrah, lu ti dŭm kdriêk Chư Prông, Ia Grai, Đăk Đoa, Chư Sê lehanăn Chư Pưh.

VOV4.Êđê - Čar Dak Lak klă sĭt mŭt hlăm yan hjan, yan dŭm mta ana boh kroh đĭ kyar. Hŏng ƀĭng lŏ hma pla durian, anei jing wưng bi mklă klei tŭ dưn kơ yan buh pla leh klei luč liê kyua yan adiê mđiă ngă sui. Ƀĭng lŏ hma dŭm krĭng pla durian ti čar mđĭ bruă kriê dlăng, gang mkhư̆ mnơ̆ng ngă luh boh hlăm yan hjan angĭn. Mnuih ƀuôn sang dôk gĭr răng kriê grăp boh durian truh kơ yan hrui pĕ.

VOV4.Êđê - Hlue ngă hdră êlan mđĭ kyar bruă duh mkra êpul lu, gru hmô êpul hgŭm bruă dôk đĭ kyar jhŏng mĭn ti dŭm alŭ wăl čar Sơn La, mđĭ bi mlih hdră bruă duh mkra, bi mlih klei mĭn, hdră ngă kơ mnuih ƀuôn sang. Bruă bi hgŭm mkra mjing amâo djŏ knŏng đru kơ êpul hgŭm bruă pŏk mlar hnơ̆ng mkra mjing ôh ƀiădah lŏ đru kơ ƀĭng lŏ hma hgŭm hlăm gru hmô bruă duh mkra mrâo tŭ dưn leh anăn hơĭt kjăp.

VOV4.Êđê- Kyua mđĭ lar jăk bruă ba anăp, bi hmô, lu đảng viên mnuih djuê ƀiă ti čar Lâm Đồng jhŏng bi mlih ana pla mjing, ntrŭt mjhar mnuih ƀuôn sang mđĭ bruă mkra mjing, gĭr ktưn tlaih ƀun leh anăn hrăm mbĭt mkŏ mjing ƀuôn sang đĭ kyar.

VOV4.Êđê- Aguah mbruê (6/6) ti Hà Nội, Êpul mă bruă mơ̆ng Knơ̆ng bruă mŭt kbiă ala čar China mâo Triệu Tăng Liên, Kơiăng khua knơ̆ng bruă djă akŏ hriê čhưn ti Việt Nam lehanăn mă bruă hŏng Phŭn bruă Lŏ hma mđĭ kyar krĭng ƀuôn sang.

VOV4.Êđê- Gru hmô pla kmŭn tuk ba yua kdrăp mrâo ti kdriêk Hà Quảng, čar Cao Bằng amâo djŏ knŏng ba wĭt dŭm mta mnơ̆ng mâo boh tŭ dưn kơ klei suaih pral anak mnuih drei ƀiădah lŏ đru kơ mnuih ngă lŏ hma mđing truh kơ gru hmô bruă lŏ hma doh lehanăn ba hnư hrui wĭt hơĭt truh dŭm êtuh êklăk prăk hlăm grăp thŭn.

VOV4.Êđê- Thŭn 2024, dŭm mta mnơ̆ng lŏ hma mâo klei găl phŭn mơ̆ng Dak Lak hlăk dôk đĭ ênoh, ba lu klei mơak kơ ƀĭng ngă lŏ hma lehanăn čang hmăng kơ sa wưng ba wĭt lu klei tŭ dưn kơ anôk bruă lŏ hma kluôm čar. Hlăk ênoh đĭ lu êdi, truh 2 blư̆ mơ̆ng kphê, tiêu mâo lu klei mđing dlăng mơ̆ng mnuih ƀuôn sang, snăn mnơ̆ng lŏ hma mâo ênoh đĭ lu êdi jing cacao, djŏ mmông mâo truh 12.000 USD/1 ton asăr krô, đĭ 4 blư̆ mkă hŏng thŭn 2023. Hnơ̆ng tŭ jăk, dưi bi mklă jăk hĭn mkă hŏng dŭm mta mnơ̆ng anei hlăm wăl anôk mnia mblei tar rŏng lăn mbĭt hŏng dŭm mta klei găl mơ̆ng wăl anôk mnia mblei, mjing klei găl kơ anôk bruă cacao Dak Lak krŭ wĭt lehanăn đĭ kyar.