VOV.Êđê - Anôk bruă mtrŭt mjhar bruă lŏ hma ala čar (Phŭn bruă lŏ hma leh anăn wăl hdĭp mda mrâo mkŏ mjing klei bi kƀĭn mtrŭt mjhar bruă lŏ hma @ hŏng akŏ “Hdră msir mđĭ kyar krĭng pla mjing dliê mă kyâo prŏng hŏng hră bi mklă kriê dlăng dliê hơĭt kjăp”. Klei bi kƀĭn kñăm ksiêm dlăng boh klei, kah mbha kơ klei thâo leh anăn hdră msir pŏk mlar ênhă dliê mă kyâo prŏng djăp hnơ̆ng čuăn, ngă djăp klei čiăng dưi ba čhĭ hlăm ala čar leh anăn ala tač êngao.

VOV.Êđê - Ti anăp klei ŭn ruă tian bluh mâo, ngă tưp lar hlăm ênhă prŏng, čar Gia Lai dôk gĭr ksiêm dlăng, mơ̆ng rông mnơ̆ng, čuh tă truh kơ bruă dŭ mdiăng, čhĭ mnia čiăng gang mkhư̆ klei ŭn ruă tian bluh mâo.

VOV.Êđê- Aguah (11/8), ti Đà Lạt, Anôk bruă mtrŭt mjhar bruă lŏ hma ala čar bi hgŭm hŏng Knơ̆ng bruă lŏ hma leh anăn Wăl hdĭp mda čar Lâm Đồng mkŏ mjing klei bi lông “Mkra mjing măk ka djăp hnơ̆ng čuăn VietGAP mguôp hŏng klei bi hgŭm ba čhĭ mnơ̆ng dhơ̆ng”.

VOV.Êđê- Durian Việt Nam hgao leh mơ̆ng krĭng pla mjing hliê, đ’điêt čiăng jing anôk bruă êbâo êklai prăk. Ƀiădah ăt mơ̆ng anei, dŭm klei lông dlăng hĭn mơh klă leh mâo dŭm hnư ba čhĭ boh durian mâo arăng ba wĭt lehanăn mrô krĭng pla mâo sua wĭt. Klei anei brei ƀuh khădah mâo lu klei găl, ƀiădah čiăng dưi mđĭ lar, brei mâo hdră mtrŭn klă klơ̆ng lehanăn hdră ngă bruă djŏ guôp. Mŭt hlăm wưng mrâo, anôk bruă lŏ hma bi mŭt leh hŏng wăl hdĭp mda, krĭng pla durian ăt mđĭ hnơ̆ng mâo leh bi mŭt čar, bruă knŭk kna alŭ wăl dôk mđĭ hdră kah mbha gưl čŏng kriê dlăng… jing klei găl čiăng bi mnlih kluôm, klă sĭt mjing hnư mnơ̆ng ba čhĭ mâo boh tŭ dưn, bi mklă kơhưm, anăn knăl, dŭm krĭng pla hlăm hdră bi hgŭm kjăp hŏng anôk bruă mkra mjing.

VOV.Êđê- Mơ̆ng knhal jih mlan 6 truh kơ ară anei, čar Gia Lai čih yap mâo 14 anôk mâo ŭn ruă tian ti 14 ƀuôn hgŭm, ba bi rai 721 drei ŭn mâo boh ktrŏ êbeh 46 tôn.

VOV.Êđê- Msĕ si lač leh hlăm klei čih tal 1 mơ̆ng klei čih “Durian Việt Nam - Bruă êklai prăk leh anăn hdră kriê pioh kơhưm” leh dŭm yan jăk mơak hŏng dŭm êklai đôlar, Boh duruan Việt Nam dôk mŭt hlăm hdră mrâo. Dŭm hnơ̆ng mnơ̆ng arăng ba wĭt, mrô krĭng brei mdei ngă bruă, anôk ba čhĭ kơ ala tač êngao hrŏ lu jing klei hưn brei răng kơ sa bruă dôk đĭ kyar pral ƀiădah ka djăp kjăp, hŏng boh klei pla durian adôk ka kjăp leh anăñ krĭng pla amâo djŏ hŏng boh sĭt. Čiăng krơ̆ng klei yuôm sui, brei mkŏ mjing hdră ênoh yuôm sĭt - anôk djăp bruă mkŏ leh anăn ba yua djŏ hnơ̆ng čuăn.

Klei čih tal 1: Boh tŭ dưn 10 thŭn leh anăn klei kluh rai hgăm

VOV.Êđê - Êbeh 650 êbâo gŏ sang pla mjing dôk tŭ klei đua klam krŏng kjăp kơhưm kphê Việt Nam ti wăl anôk mnia mblei Ơrôp. Hlăk klei kčah mtrŭn bi kdơ̆ng hŏng klei luič rai dliê mơ̆ng EU (EUDR) dôk truh giăm, ƀĭng ngă lŏ hma pla kphê jing pô phŭn mŏng hdră bi mlih prŏng hlăm klei mkăp mnơ̆ng dhơ̆ng tar rŏng lăn. Diñui dôk bi mlih ƀrư̆ ƀrư̆ klei mĭn pla mjing, jing pô phŭn thâo kơ hdră mlih mrô lehanăn hluê ngă djŏ hnơ̆ng čuăn tar rŏng lăn – mta phŭn bi mklă čiăng kơ kphê Việt Nam hgao klei kpăk gun, dưi ba čhĭ kơ wăl anôk mnia mblei.

VOV.Êđê - Čar Dak Lak dôk mŭt hlăm yan hrui boh durian thŭn 2025 hlăk klei čiăng ksiêm dlăng hnơ̆ng tŭ jăk ƀrư̆ hruê ƀruă kjăp mơ̆ng wăl anôk mnia mblei.

VOV.Êđê- Tlam hruê 31/7, Klei bi kƀĭn bruă Đảng ƀuôn hgŭm Ƀuôn Ama Thuôt tal 1, wưng thŭn 2025 – 2030 mkŏ mjing leh jăk siam.