Klei bi kƀĭn iêô jak giăm 400 čô jing dŭm gŏ êsei ngă lŏ hma, êpul hgŭm bruă, anôk bruă duh mkra hŏng pô bi ala lu knơ̆ng, dhar bruă nao hgŭm. Hŏng klei kñăm pŏk mlar anôk ba čhĭ leh anăn mđĭ ênoh yuôm mnơ̆ng dhơ̆ng lŏ hma alŭ wăl, klei bi kƀĭn thŭn anei mâo klei hgŭm mơ̆ng lu anôk bruă ba čhĭ prŏng msĕ si Bách hóa Xanh, Central Retail - GO!, Proton leh anăn Vinanutrifood Bình Định.

Giăm 40 mnơ̆ng dhơ̆ng lŏ hma phŭn, mnơ̆ng dhơ̆ng OCOP djăp hnơ̆ng čuăn hŏng lu mnơ̆ng jăk êdah kdlưn ti alŭ wăl mâo hưn mthâo, hưn mdah truh hŏng dŭm ƀĭng hgŭm, anôk bruă duh mkra ba čhĭ. Hŏng klei mkŏ mkăp - ba čhĭ, dŭm tĭng bi trông kơ dŭm klei găl mâo mbĭt msĕ si yua ênoh mrô krĭng, hnơ̆ng čuăn mkra mjing mtah, hŏng dŭm hdră msir ba mnơ̆ng dhơ̆ng lŏ hma Gia Lai hgŭm êlam hĭn hlăm hdră čhĭ hliê mrâo mrang.