VOV.Êđê – Hruê mbruê (8/10), ti čar Dak Lak, Phŭn bruă Lŏ hma lehanăn Wăl hdĭp mda bi hgŭm hŏng Knơ̆ng bruă sang čư̆ êa čar Dak Lak mkŏ mjing leh Klei bi kƀĭn “Ksiêm wĭt hdră pla mjing, răng mgang mnơ̆ng pla mjing thŭn 2025 lehanăn pŏk ngă hdră kčah mă bruă thŭn 2026 krĭng ktuê hang ksĭ Dhŭng kwar Krah – Lăn dap kngư”.

VOV.Êđê - Mđĭ kyar dliê mă kyâo prŏng mâo bi mklă FSC amâo djŏ knŏng đru mđĭ ênoh yuôm bruă duh mkra mơ̆ng ana kyâo dliê ôh ƀiădah lŏ pŏk mlar kơ kyâo Việt Nam pưn truh kơ anôk ba čhĭ dlông rŏng lăn. Khădah snăn, boh sĭt brei ƀuh, lu dŭm alŭ wăl, phung pla mưng hŏng kyâo điêt, amâodah čang hmăng bi mlih jing kyâo prŏng snăn lŏ tuôm hŏng lu klei dleh dlan kơ prăk bi liê, hdră mnêč leh anăn klei ba yua hnơ̆ng čuăn lu ala čar.

VOV.Êđê - Yan anei, ti djăp kdrăn mdiê ti dŭm Čư̆ A Thai, Phú Thiện, Ayŭn Pa mphŭn mŭt hlăm yan puôt wiă. Ênai maĭ mčhĭt mơuăt, dŭm asăr mdiê ktrŏ boh kñĭ hưr ba wĭt leh klei hơ̆k mơak kơ mnuih ƀuôn sang ngă lŏ hma. Dưi mâo boh tŭ dưn anei, êngao klei gĭr mơ̆ng mnuih ƀuôn sang, lŏ mâo klei đru mguôp yuôm bhăn mơ̆ng hdră mbông mnuôr êa Ayŭn Hạ.

VOV.Êđê- Ti anăp klei čiăng ƀrư̆ hruê ƀrư̆ đĭ lehanăn klei ksiêm dlăng kjăp mơ̆ng mnuih blei yua, lu anôk bruă duh mkra ti Dak Lak čŏng pô mlih mrâo, bi lu jơr mnơ̆ng dhơ̆ng, ba yua klei găl hlăm hdră bi mlih mrô, bi lar bra pral anăn knăl lehanăn mđĭ ai bi ktưn mơ̆ng Việt hlăm wăl anôk mnia mblei.

VOV.Êđê- Hŏng lu ƀĭng lŏ hma ti dŭm ƀuôn sang čar Dak Lak, nư tuôm jing klei rŭng răng ngă kơ mnuih ƀuôn sang amâo jhŏng čan prăk knơ̆ng prăk. Ƀiădah mbĭt hŏng hdră êlan brei čan prăk mă mnga hdjul leh anăn boh sĭt dŭm gŏ êsei čan prăk bi liê djŏ hdră kñăm leh anăn mâo klei tŭ dưn, bruă mnuih ƀuôn sang čan prăk mă mnga hdjul jing leh klei mưng. Nư knơ̆ng prăk ăt jing klei rŭng răng ƀiădah ăt jing klei mđĭ ai klei mĭn, hdră ngă mơ̆ng điêt, hliê jing klă klơ̆ng, leh anăn mâo mă klei tŭ dưn.

VOV.Êđê- Ti dlông čŏng mbah Yang An Toàn, să An Toàn, čar Gia Lai, dlông giăm 800 mét mkă hŏng ƀô̆ êa ksĭ. Ti wăl anôk mĭndah mdê mdo hŏng rŏng lăn anei, kruôp ung mô̆ mda asei Võ Minh Mơ lehanăn Đinh Lê Tuấn Anh ruah leh hdră lŏ krŭ wĭt ƀuôn quế mơ̆ng aê aduôn pô đưm, mkŏ mjing Êpul hgŭm bruă mkra mjing êa drao mơ̆ng ana kyâo lehanăn dŭm bruă nah tluôn An Lão mơ̆ng thŭn 2022. Ktuê êlan anei mơ̆ng diñu lŏ bi ƀrơ̆k mdih leh ƀuôn quế, ba wĭt hdră duh ƀơ̆ng mrâo kơ mnuih ƀuôn sang lehanăn klei đăo knang mơ̆ng čư̆ dliê.

VOV.Êđê- Mnuih hiu trah mă kan Lâm Đồng dôk mŭt hlăm yan hrui mă kan Nam truh kơ jih mlan 9 hluê mlan ƀlĕ lehanăn hlăm lu hruê êgao, lu hô̆ mran mâo mă lu kan nục hŏng hnơ̆ng lu đru kơ mnuih ƀuôn sang mâo lu hnư hrui wĭt.

VOV.Êđê - Ti krĭng čư̆ čhiăng Khánh Vĩnh, čar Khánh Hòa, lu gru hmô bi hgŭm mkra mjing dôk pŏk ngă, pŏk êlan mđĭ kyar mrâo kơ mnuih djuê ƀiă. Anei jing hdră ngă djŏ guôp hŏng klei găl sĭt alŭ wăl, đru bi klă klơ̆ng Hdră kñăm ala čar mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng.

VOV.Êđê - Dak Lak dôk mŭt hlăm wưng hrui êmiêt durian. Mdê hŏng klei mtluk mtlak, kjham hĭn bi mmiă hlăm dŭm thŭn êlâo, anôk ba čhĭ thŭn anei mkŏ mjing jăk hĭn. Klei bi mmiă mnia blei hlăm đang ba čhĭ hrŏ leh, ênoh ênik hơĭt hĭn, phung blei leh anăn anôk bruă duh mkra thâo răng hĭn hlăm djăp yan hrui blei. Klei bi mlih anei lač klă hĭn mơ̆ng bruă mkăp - blei, klei čuăn mơ̆ng anôk ba čhĭ leh anăn hdră bhiăn mrâo dưi ba yua.

VOV.Êđê- Hruê mbruê 7/9, Êpul knơ̆ng bruă China mâo leh gưl hruê mă bruă, čuă dlăng krĭng pla mjing, anôk đŭng hruh leh anăn ksiêm duah klei găl bi mguôp hŏng dhar bruă durian ti čar Dak Lak.