Truh akŏ mlan 8, čar Dak Lak mrâo brei čan êbeh 3.200 êklai prăk, mâo êbeh 33% hdră kčah bi liê knŭk kna dưii jao. Čiăng bi leh klei kñăm msir mgaih 68% êlâo kơ hruê 30/9, Dak Lak brei bi liê thiăm 4.200 êklai prăk, bi knar kah knar hlăm brô 2.100 êklai prăk/mlan. Alŭ wăl ăt adôk 181 hdră bruă dôk tuôm hŏng dleh dlan, gun kpăk, jing dŭm anôk kpăk prŏng brei ruh mgaih čiăng mjing boh kdrŭt đĭ kyar.

Đỗ Hữu Huy, Khua Knơ̆ng bruă sang čư̆ êa čar Dak Lak mtă kơ dŭm knơ̆ng, dhar bruă, alŭ wăl mjêč bi leh bruă mbha jih jang ênoh prăk bi liê knŭk kna adôk, mđĭ pral hnơ̆ng brei čan mơ̆ng mlan 8. Mbĭt anăn, kƀĭn ruh mgaih klei kpăk đuôm kơ lăn ala, ruh mgaih anôk ala leh anăn hră mơar bi liê.