Anei dưi čang hmăng jing knhuang bi mlih mơ̆ng bi hgŭm, mtrŭt mđĭ hdră duh bi liê jing mkŏ mjing dŭm hdră bruă, hdră bi hgŭm klă klơ̆ng kơ bruă boh durian ti alŭ wăl. Dŭm hră bi hdơr mđing kơ lu mta bruă phŭn msĕ si ksiêm hriăm duh bi liê anôk mnia mblei phŭn, anôk hrui blei, ksiêm dlăng, logistics, ba čhĭ kơ ala tač êngao leh anăn mkra mjing êlam mnơ̆ng dhơ̆ng lŏ hma; rŭ mdơ̆ng sang hjiê bi êăt; mđĭ kyar krĭng lŏ hma ba yua kdrăp mrâo mrang leh anăn anôk bruă tuh tia mkra mjing êlam; ba yua kdrăp sinh học, mkŏ anôk mnia mblei.

Mbĭt hŏng 9 hră bi hdơr anei, dŭm anôk bruă mkăp mjeh, mnơ̆ng yua, ktrâo lač hdră mnêč, knơ̆ng prăk, krĭng pla mjing, hrui blei, mkra mjing, ba čhĭ leh anăn mkăp hdră êlan mrô ăt ngă klei kuôl kă bi hgŭm, mđing truh mkŏ mjing wăl anôk bi hgŭm mơ̆ng bruă pla mjing truh kơ anôk ba čhĭ.