Čiăng đru mguôp ba hnơ̆ng đĭ kyar hnơ̆ng mâo mnơ̆ng dhơ̆ng hlăm alŭ wăl mơ̆ng čar Dak Lak thŭn 2026 mâo mơ̆ng 10% kơ dlông, anôk bruă lŏ hma leh anăn wăl hdĭp mda mdưm mta kñăm krơ̆ng kjăp hnơ̆ng đĭ kyar jih thŭn mơ̆ng 5, 86% kơ dlông. Hlăm 5 mlan knhal jih thŭn, kluôm anôk bruă gĭr mkŏ mjing êbeh 66.100 êklai prăk hnơ̆ng mâo mnơ̆ng dhơ̆ng.

Hlăm anăn mđing ti dua mta mnơ̆ng lŏ hma ba čhĭ kơ ala tač êngao phŭn jing kphê leh anăn durian. Đỗ Hữu Huy, Khua knơ̆ng bruă sang čư̆ êa čar Dak Lak mtă kơ dhar bruă lŏ hma leh anăn wăl hdĭp mda mơ̆ng ară anei truh kơ jih thŭn brei pŏk ngă hdră êlan đĭ kyar hluê grăp mlan, grăp wưng tlâo mlan; mđĭ nanao ênoh mrô, čŏng thâo ƀuh hnưm leh anăn mkra mlih mtam tơdah mâo klei truh. Pô djă akŏ dŭm anôk bruă brei čŏng pô hlăm klei mă bruă, hluê ngă hŏng ai tiê "6 klă, 1 kluôm", bi mguôp bruă klam hŏng hnơ̆ng ngă bruă leh anăn boh tŭ knhal tuič.