Bruă anei mkŏ mjing leh hdră mtrŭn mrô 36 mơ̆ng Knŭk kna mâo klei tŭ dưn mơ̆ng hruê 1/8, hŏng lu klei kčah mtrŭn dưi bi mlih hluê hdră bi hrŏ klei ngă hră mơar, bi hrŏ hruê mmông msir mgaih leh anăn mbha gưl bruă mkăp mrô krĭng pla mjing kơ Khua Knơ̆ng bruă sang čư̆ êa gưl să.

Ti knăm anei, phung bi ala mđing mtô kơ anôk bruă duh mkra, êpul hgŭm bruă leh anăn mnuih pla mjing kơ hdră ngă hră mơar, kriê dlăng mrô krĭng pla mjing, mrô anôk đŭng hruh; hâo hưn hră mơar tui duah phŭn agha leh anăn mkŏ mjing bruă mkra mjing djŏ hŏng klei čiăng mơ̆ng anôk ba čhĭ. Bi ti anôk bruă nah gŭ, êpul mtrŭt mđĭ bruă lŏ hma să leh anăn Êpul mtrŭt mđĭ bruă lŏ hma yang ƀuôn ktrâo lač ngă hră mơar, krơ̆ng kjăp mrô, ktrâo lač kơ mnuih ƀuôn sang ngă bruă hlăm Hla pŏk bruă knŭk kna ala čar, bi leh hră mơar tui duah phŭn agha leh anăn ba yua dŭm hdră mkra mjing êđăp ênang.