Truh mlan 7, ƀuôn hgŭm Tu Mơ Rông ktưn bi leh mbha êdai kphê kơ mnuih ƀuôn sang hŏng ênoh êbeh 1 êklăk kphê hlăm ênhă hlăm brô 200 héc ta. Mta kñăm amâo djŏ knŏng pŏk phai ênhă pla mjing, ƀiădah lŏ mjing krĭng truăn kơ bruă mđĭ kyar kphê hlue hŏng hdră kluôm ba wĭt klei tŭ dưn.

Võ Trung Mạnh, Khua bruă Đảng ƀuôn hgŭm Tu Mơ Rông brei thâo, êbeh 1 êklăk phŭn kphê mâo pla hlăm thŭn anei, knŏng jing bruă mrâo kčưm. Wưng thŭn 2026-2030, alŭ wăl mâo leh klei čoh čuăn đru kơ mnuih ƀuôn sang pla mrâo 1.000 héc ta kphê; ktưn truh kơ thŭn 2030, jih jang ênhă kphê hlăm kluôm ƀuôn hgŭm hlăm brô 1.588 héc ta, anăp truh kơ jih jang mnuih ƀuôn sang grăp gŏ sang srăng mâo ƀaĭ êdi 1 ha kphê pioh mđĭ kyar klei hdĭp./.