VOV.Êđê- Anôk bruă mtrŭt mđĭ bruă lŏ hma ala čar bi mguôp hŏng knơ̆ng bruă lŏ hma leh anăn wăl hdĭp mda čar Dak Lak mkŏ mjing klei kƀĭn “Pla mjing durian găl guôp hŏng klei bi mlih yan adiê leh anăn bi mâo djăp ênoh čuăn mơ̆ng anôk ba čhĭ”. Hlăm boh klei ênhă, hnơ̆ng boh durian đĭ pral, klei bi mlih yan adiê leh anăn dŭm klei čiăng ƀrư̆ hruê ƀrư̆ lu kơ klei doh ê ƀăt mnơ̆ng ƀơ̆ng, tui duah phŭn agha dôk mdưm klei čiăng mjêč brei bi mlih hdră pla mjing, mkŏ wĭt bruă mkra mjing.

VOV.Êđê- Čar Dak Lak mrâo siñê 9 hră bi hdơr bi hgŭm, duh bi liê mđĭ kyar hdră bruă boh durian hơĭt kjăp hŏng ênoh giăm 9.000 êklai prăk.

VOV.Êđê- Hlăm hdră Knăm mơak boh durian Dak Lak thŭn 2026, čar Dak Lak pŏk leh Anôk rang mdah, hưn mthâo leh anăn hưn mthâo thơ̆ng kơ boh durian leh anăn mnơ̆ng dhơ̆ng OCOP.

VOV.Êđê- Mơ̆ng leh mkŏ mjing gŏ sang, ung mô̆ mnuih djuê ana Châu Ro jing ayŏng Võ Văn Đường leh anăn amai Võ Thị Nẫm ti alŭ 4, să Trà Tân, čar Lâm Đồng hur har mă bruă knuă. Hŏng hdră bi mlih mnơ̆ng pla, mnơ̆ng rông tŭ dưn kyua anăn ung mô̆ ayŏng Đường leh anăn amai Nẫm amâo djŏ knŏng tlaih ƀun ƀiădah lŏ kpưn đĭ jing gŏ êsei mdrŏng sah.

VOV.Êđê-Klei kƀĭn trông "Mlih mrâo mta phŭn, mđĭ hnơ̆ng tŭ jăk klei bi kƀĭn leh anăn bruă ngă mơ̆ng Êpul hgŭm ƀĭng ngă lŏ hma hlăm boh klei mrâo", mâo Êpul hgŭm ƀĭng ngă lŏ hma čar Dak Lak mkŏ mjing, jak iêô êbeh 300 čô bi ala nao hgŭm, bi trông kơ dŭm hdră msir mđĭ hnơ̆ng tŭ jăk bruă ngă mơ̆ng êpul hlăm boh klei êpul hgŭm mâo lu klei bi mlih leh mkŏ dăp anôk bruă knŭk kna.

VOV.Êđê- Knơ̆ng bruă sang čư̆ êa čar Gia Lai mrâo mâo hră mtrŭn mtă kơ dŭm knơ̆ng, dhar bruă, alŭ wăl msir mghaih, ƀuah mkra kjăp klei čhĭ mnia, brei mưn, ngă soh, mplư mplêč hră tŭ yap mkăp mrô krĭng pla mjing, mrô anôk đŭng hruh.

VOV.Êđê- Hlăm 2 hruê (11/12/8),Anôk bruă mtrŭt mđĭ bruă lŏ hma ala čar (Phŭn bruă lŏ hma leh anăn wăl hdĭp mda) bi hgŭm hŏng Knơ̆ng bruă lŏ hma leh anăn wăl hdĭp mda čar Dak Lak mkŏ mjing klei hâo hưn, đru kơ anôk bruă duh mkra, êpul hgŭm bruă leh anăn mnuih ƀuôn sang pŏk ngă klei kčah mtrŭn kơ mrô krĭng pla mjing, mrô anôk đŭng hruh mkăp kơ klei ba čhĭ leh anăn ba čhĭ mnơ̆ng dhơ̆ng lŏ hma.

VOV.Êđê- Anôk bruă lŏ hma leh anăn wăl hdĭp mda Dak Lak brei mlih ktang mơ̆ng klei mĭn "kiă kriê hnơ̆ng mâo" jing kiă kriê ênoh yuôm", mđing mđĭ hnơ̆ng tŭ jăk bruă pla mjing, mkra mjing leh anăn ba čhĭ mnơ̆ng lŏ hma.

VOV.Êđê- Hruê mbruê 10/8, ti anôk bruă knŭk kna, k'iăng khua knŭk kna Hồ Quốc Dũng mă bruă hŏng dŭm phŭn, dhar bruă kơ boh klei mkra mjing, truh kơ klei ba čhĭ, ba čhĭ kơ ala tač êngao boh durian leh anăn hlue ngă hdră mtrŭn mrô 36 kơ klei bhiăn bi hrŏ klei ngă hră mơar kơ mrô krĭng pla mjing, mrô anôk đŭng hruh.

VOV.Êđê- Dak Lak mđing bi mklă Klei êdah kdlưn Guinness hŏng êpul êdeh mdiăng durian taih hĭn dlông rŏng lăn, mjing klei kruăk knăl hâo hưn, hưn mdah anăn knăl durian Dak Lak kơ dlông rŏng lăn.