VOV.Êđê - Leh dŭm hruê drông yan mnga, mơak Têt găn hgao ti ƀuôn mnga sŭng gơr Hàm Hiệp, ƀuôn hgŭm Binh Thuận, čar Lâm Đồng. Hŏng mnuih pla mnga sŭng gơr tinei, grăp blư̆ mnga blang amâo djŏ knŏng čiăng hưn mthâo kơ sa thŭn mrâo, ƀiădah lŏ kruăk sa yan kuh kŭm ênŭm ênap leh kơnăn lŏ bi ktlah, yan čang hmăng, yan đăo knang jăk siam kơ sa yan mnga ti anăp.

VOV.Êđê- Bi mlih mrô dôk bi mlih hdră mkra mjing, kriê dlăng leh anăn ba čhĭ mnơ̆ng dhơ̆ng lŏ hma čar Gia Lai. Mơ̆ng klei livestream čhĭ mnơ̆ng mơ̆ng anôk bruă duh mkra điêt, truh kơ dŭm gru hmô bruă lŏ hma thâo mĭn, kriê dlăng krĭng pla mjing hŏng ênoh mrô prŏng leh anăn kdrăp mrô, bruă lŏ hma Gia Lai grăp knhuang bi hrŏ ênoh bi liê, bi hrŏ hdră dôk krah wah, mđĭ klei dưi bi ktưn hlăm anôk ba čhĭ.

VOV.Êđê - Dŭm hruê akŏ yan mnga mrâo, hlăm dŭm krĭng thơ̆ng pla mjing kphê mơ̆ng čar Dak Lak msĕ si Čư̆ Mgar, Krông Năng, Krông Ƀuk amâodah dŭm krĭng ƀơ̆ng boh kroh, boh čêñ hruê̆, durian ti Krông Pač, Ea Kar…, ai êwa mkra mjing mjêč, mprăp. Klei mdê hjăn mkă hŏng êlâo dih jing ƀrư̆ hruê ƀrư̆ lu ƀĭng ngă lŏ hma, êpul hgŭm bruă jhŏng tŭ mă leh anăn ba yua dŭm tur knơ̆ng mrô, kdrăp thâo mĭn hlăm bruă kriê dlăng mkra mjing, ksiêm dlăng pla mjing leh anăn ba čhĭ mnơ̆ng dhơ̆ng lŏ hma. Bi mlih mrô mơ̆ng bruă jing “klei pia mrâo” ară anei ƀrư̆ jng hdră mkra mjing mưng, đru mđĭ hnơ̆ng mkra mjing, hnơ̆ng jăk leh anăn klei dưi bi ktưn mơ̆ng bruă lŏ hma Dak Lak.

VOV.Êđê - Leh klei tŭ jing Klei bi kƀĭn tal 14, Đảng, knŭk kna lŏ dơ̆ng mâo hdră, hdră êlan bi liê lu snăk hŏng krĭng mnuih djuê ƀiă, đru kơ mnuih ƀuôn sang hŏng kluôm ala kjăp knhuang hlăm wưng mrâo, mŭt hlăm ênuk kpưn đĭ mơ̆ng djuê ana. Leh anăn hlăm yan mnga mrâo, mnuih ƀuôn sang dŭm djuê ana Lăn Dap Kngư ăt bi êdah klei gĭr, bruă ngă klă klơ̆ng čiăng mjing klei čang hmăng jing sĭt, mkŏ mjing klei hdĭp thiăm trei mđao, jăk mơak.

VOV.Êđê- Yan mnga dôk wĭt ti ktuê lăn knông lăn čar kwar. Hlăm êlan angĭn thŭt mơ̆ng êa ksĭ, klei hdĭp akŏ thŭn mrâo mphŭn hŏng knhuang jơ̆ng hiu suang dlăng kjăp mơ̆ng kahan răng mgang knông lăn. Hlăk lăn adiê dôk bi mlih jing yan mnga, diñu ăt dôk ngă bruă răng kriê klei dưi hlăm êa ksĭ, plao ksĭ, klei êđăp ênang knông lăn ala čar.

VOV.Êđê - Knhal jih thŭn 2025 adiê hjan êa lip ngă kơ dŭm êbâo ha djam tam ti čar Lâm Đồng jhat rai. Lu ênhă lăn pla mjing klưh hroh ba klei jhat kjham snăk hŏng phung ngă lŏ hma alŭ wăl. Kyua anăn hlăm dŭm hruê giăm Tết ti krĭng phŭn mkra mjing djam tam Đơn Dương, čar Lâm Đồng, bruă kơrŭ wĭt kdrăn lŏ mkŏ mjing mjêč.

VOV.Êđê - Knhal jih thŭn 2025, mnuih ƀuôn sang krĭng nah Ngŏ čar Dak Lak luč liê kjham snăk kyua angĭn êbŭ ngă. Êa lip angĭn êbŭ êgao leh, mnuih ƀuôn sang mphŭn lŏ mkŏ mjing klei hdĭp mda leh anăn kơrŭ wĭt bruă mkra mjing. Wăt tơdah phung pla mnga ăt dôk lu klei rŭng răng, ƀiădah knuh mnga lŏ mâo leh ti krĭng êa lip, ba klei čang hmăng hlăm thŭn bhang mrâo.

VOV.Êđê- Trŭn kơ bruă dơ̆ng mŏng akŏ thŭn 2026, dŭm hruê anei dŭm pluh hô̆ mran hiu trah mă kan ti dŭm să ktuê hang ksĭ nah Ngŏ čar Dak Lak lŏ wĭt leh kơ lăn hang hŏng klei mơak mâo bŏ kan hlăm hô̆ mran. Hnơ̆ng kan mâo trah mă lu, ênoh čhĭ kan ngừ hơĭt kjăp, đru kơ mnuih hiu trah mă kan mâo hnư hrui wĭt hơĭt, hơ̆k kdơ̆k drông Têt Bính Ngọ.

VOV.Êđê- Gưl adiê hjan êa lip lêč knhal jih mlan 11/2025 êgao, ngă luič liê kjham kơ hdră knơ̆ng mbông êa lehanăn mjeh mdiê mơ̆ng lu ƀĭng ngă lŏ hma dŭm alŭ wăl ti nah Ngŏ čar Dak Lak, ngă kơ yan Puih mnga 2025 – 2026 hnui hĭn 1 mlan mkă hŏng wưng kčah. Khă snăn, klei kyua đru mơ̆ng bruă knŭk kna alŭ wăl lehanăn anôk bruă duh mkra mnia mblei, ară anei kdrăn lŏ hlăk dôk mčhĭt mơuăt, ƀĭng ngă lŏ hma hơ̆k kdơ̆k trŭn kơ bruă, čang hmăng sa yan ngă bruă djŏ boh mnga.

VOV.Êđê- Tlam hruê 3/2, Knơ̆ng bruă sang čư̆ êa čar Lâm Đồng mkŏ mjing Klei kƀĭn jao Klei bi mklă Hdră mtrŭn duh bi liê pŏk mlar, mkra mđĭ Sang maĭ alumin Nhân Cơ lehanăn hdră bruă bô xít – ksuêh Lâm Đồng kơ Êpul grŭp Hdăng – Mnơ̆ng hlăm gŭ lăn Việt Nam (TKV).