VOV.Êđê- Amâo djŏ knŏng đru kơ mnuih ƀuôn sang mđĭ hnơ̆ng jăk mnơ̆ng dhơ̆ng, dŭm thŭn giăm anei, čar Dak Lak lŏ mtrŭt mđĭ dŭm mta bruă mnia mblei, mkŏ klei ba čhĭ leh anăn bi mlih mrô čiăng đru kơ boh mnga alŭ wăl truh ti anôk mnia mblei, mđĭ ênoh. Klei hrăm mbĭt mơ̆ng Bruă sang čư̆ êa leh anăn dŭm anôk bruă djŏ tuôm dôk mkŏ mjing boh kdrŭt čiăng kơ knơ̆ng bruă, êpul hgŭm bruă leh anăn mnuih ƀuôn sang jhŏng duh bi liê, mkŏ mjing anăn knăl leh anăn mđĭ ai bi ktưn kơ ƀĭng ngă lŏ hma.

VOV.Êđê- Hlăm dŭm boh kbuôn čư̆ ti ƀuôn hgŭm Tu Mơ Rông, čar Quảng Ngãi êbeh 1 êklăk kphê mâo pla mrâo, pŏk phai krĭng phai kphê mjing klei duh ƀơ̆ng kơ mnuih ƀuôn sang djuê ana Xơ Đăng.

VOV.Êđê- Hlăm boh klei lăn čar dôk mđĭ ktang bruă ngă mơ̆ng Bruă kƀĭn ala, bi khuăt êpul mă bruă leh anăn mkŏ mjing bruă duh kơ mnuih ƀuôn sang, bruă kriê dlăng klei mnuih ƀuôn sang čiăng dôk ti anăp klei mlih mrâo ktang. Kyua anăn, bruă mđing hmư̆ klei mnuih ƀuôn sang čiăng jing klei thâo ai tiê mnuih ƀuôn sang, klei hưn brei răng hdră êlan, hnơ̆ng mkă hnơ̆ng jăk kriê dlăng ala čar. Anei jing klei hâo hưn mâo Khua bruă kƀĭn ala Trần Thanh Mẫn lač hlăm klei bi kƀĭn tal 3 Mơ̆ng Hdră bruă kƀĭn ala.

VOV.Êđê- Lâm Đồng mơ̆ng sui dưi thâo jing krĭng mkra mjing lŏ hma phŭn hlăm kluôm ala hŏng lu mnơ̆ng dhơ̆ng djam tam, mnga, boh kroh jăk. Hlăm boh klei anôk ba čhĭ ƀrư̆ bi ktưn, bruă knŏng knang kơ klei čhĭ mnơ̆ng lŏ hma mtah amâo lŏ jing êlan nao kjăp ôh, mnuih ƀuôn sang leh anăn anôk bruă duh mkra ti Lâm Đồng mđing bi liê mkra mjing êlam, mđĭ ênoh yuôm mnơ̆ng dhơ̆ng.

VOV.Êđê- Hlăm dŭm ênhă lăn pla hbei ƀlang amâo tŭ dưn, ana boh čêñ hruê̆ hrô dôk pŏk êlan mđĭ kyar bruă duh mkra mrâo kơ lu alŭ wăl ti Quảng Ngãi. Mta ana pla mjing anei đru mkŏ mjing dŭm krĭng mnơ̆ng dhơ̆ng duh kơ bruă mkra mjing leh anăn ba čhĭ kơ ala tač êngao.

VOV.Êđê- Việt Nam hgŭm hlăm klei kuôl kă Ramsar mơ̆ng thŭn 1989 leh anăn ară anei mâo 9 wăl Ramsar (krĭng lăn êngăp êa mâo dlông rŏng lăn tŭ yap). Dŭm wăl anei mâo bruă klam yuôm bhăn hlăm bruă bi kna phŭn êa, răng mgang hang ksĭ leh anăn đru hdră duh ƀơ̆ng êpul êya.

VOV.Êđê- Leh bi mŭt, Gia Lai ară anei mâo 283 ênao mgơ̆ng êa hŏng hnơ̆ng hlăm brô 1,2 êklai m3 êa. Anei amâo djŏ knŏng jing phŭn êa yuôm bhăn duh kơ bruă mkra mjing ôh ƀiădah lŏ mâo bruă klam bi kna phŭn êa, bi hrŏ klei hmăi mơ̆ng yan adiê hŏng lu krĭng wăl mnuih ƀuôn sang dôk. Khădah snăn, hlăm boh klei yan adiê amâo găl jăk ƀrư̆ đĭ, lu knơ̆ng mgơ̆ng êa dưi rŭ mdơ̆ng dŭm pluh thŭn êlâo jhat rai leh, kčah klei čiăng mjêč kơ klei bi liê mkra mđĭ kñăm rơ̆ng êđăp ênang kơ hdră bruă ti anăp adiê hjan angĭn êbŭ.

 VOV.Êđê - Hruê 18/6, Êpul bruă djŏ tuôm ƀuôn hgŭm Đông Gia Nghĩa, čar Lâm Đồng dôk mjêč čuăl krĭng, msir mgaih anôk mâo ŭn ruă tian eh ti alŭ wăl, mbĭt anăn mkŏ mjing ba dơr jih jang ŭn mâo klei ruă čiăng gang mkhư̆ klei tưp lar.

VOV.Êđê - Leh bi mŭt mbĭt, čar Gia Lai ară anei mâo 283 ênao mgơ̆ng êa hŏng hnơ̆ng hlăm brô 1,2 êklai m3 êa.

VOV.Êđê - Jing krĭng lăn amâo čăt jing mnơ̆ng, sah kba hlăm dŭm thŭn mlan, lu ênhă ngă lŏ hma ti Dak Lak hlăk dưi bi mlih ba pla ana ktơr mă ana. Hŏng ênoh mao prăk mnga êbeh 100 êklăk prăk grăp ha hlăm sa thŭn, gru hmô bi hgŭm plah wah ƀĭng ngă lŏ hma, anôk bruă duh mkra lehanăn bruă knŭk kna alŭ wăl lŏ mjing anôk hrui blei hơĭt kjăp, mkra mđĭ lăn pla mjing, ba yua tŭ dưn phŭn mkăp mnơ̆ng lehanăn mjing boh tŭ yuôm hơĭt kjăp kơ anôk bruă rông mnơ̆ng.