VOV.Êđê- Anôk bruă mtrŭt mđĭ bruă lŏ hma čar Dak Lak mrâo ba mdah Anôk bruă đru kčĕ hdră mnêč, rang mdah, hưn mthâo mnơ̆ng dhơ̆ng bruă lŏ hma, kdrăp mrâo leh anăn bi mlih mrô bruă lŏ hma; mbĭt anăn hưn mthâo klei bi mklă mkŏ mjing 4 Êpul đru kčĕ hdră mnêč leh anăn bruă mtrŭt mđĭ bruă lŏ hma.

VOV.Êđê- Lương Nguyễn Minh Triết, Khua bruă Đảng čar, Khua êpul bi ala bruă kƀĭn ala čar Dak Lak mbĭt hŏng êpul ngă bruă mơ̆ng čar ksiêm dlăng boh sĭt krĭng mĭn tĭng pŏk mlar krĭng krih êa hlăm hdră bruă Knơ̆ng kdơ̆ng êa Ia Mơr, ti alŭ wăl să knông lăn Ia Rvê.

VOV.Êđê- Anôk bruă mtrŭt mđĭ bruă lŏ hma ala čar mbĭt hŏng dŭm anôk bruă djŏ tuôm mrâo mkŏ mjing hưn mthâo gru hmô ba jao hdră mnêč pla mjing hơĭt kjăp. Ti wăl pla mjing lông ngă mơ̆ng Knơ̆ng bruă kreh knhâo hdră mnêč bruă lŏ hma dliê kmrơ̆ng Lăn Dap Kngư, dŭm êtuh čô ƀĭng ngă lŏ hma, knuă druh mtrŭt mđĭ bruă lŏ hma leh anăn phung thơ̆ng kơ bruă lŏ hma mâo mmông nao dlăng gru hmô pla mjing durian leh anăn kphê ba yua hdră mnêč mrâo mrang, mdrơ̆ng hŏng klei bi mlih yan adiê leh anăn klei čiăng ƀrư̆ hruê ƀrư̆ đĭ mơ̆ng anôk mnia mblei ba čhĭ kơ ala tač êngao

VOV.Êđê- Dak Lak dôk mtrŭt mđĭ bruă ksiêm dlăng, bi mklă leh anăn bi mklă mrô krĭng pla mjing, anôk đŭng hruh boh durian. Bruă bi mklă djăp ênŭm klei hâo hưn mơ̆ng krĭng pla mjing truh kơ anôk đŭng hruh dưi hmăng hmưi đru kơ alŭ wăl kriê dlăng kjăp hĭn hnơ̆ng tŭ jăk, tui duah phŭn agha lehanăn mkăp djŏ hŏng dŭm klei čiăng ƀrư̆ hruê ƀrư̆ lu mơ̆ng anôk ba čhĭ. Klei phung čih klei mrâo kơ kdrêč anei hưn lač, alum kơ ƀĭng găp drei mđing hmư̆:

VOV.Êđê- Dŭm thŭn êgao, mơ̆ng ai dưi mơ̆ng 3 Hdră kñăm ala čar, čar Quảng Ngãi mđing duh bi liê mđĭ kyar anôk bruă nah gŭ, đru mkra mjing leh anăn mjing hdră duh ƀơ̆ng đru kơ mnuih ƀuôn sang djuê ana ƀiă leh anăn krĭng čư̆ čhiăng kpưn đĭ tlaih kơ ƀun hĭt kjăp.

VOV.Êđê- Hruê mbruê (15/9), ti čar Dak Lak, klei bi kƀĭn trông "Bi hgŭm čiăng hơĭt kjăp - Bi hgŭm čiăng kpưn đĭ kbưi" mdưm klei čiăng mkŏ mjing klei bi hgŭm klă sĭt plah wah ƀĭng ngă lŏ hma, êpul hgŭm bruă leh anăn anôk bruă duh mkra hlăm hdră pla mjing boh durian.

VOV.Êđê-Hlăm hdră Knăm mơak boh durian Dak Lak 2026, gưl tal êlâo, boh durian dưi ba čhĭ hlăm klei bi lông ti krĭng pla mjing ti să Krông Pač, hŏng hnơ̆ng jăk, hnơ̆ng mâo leh anăn hdră mkra mjing dưi ksiêm dlăng êlâo kơ wĭt čhĭ. Klei anei lŏ pŏk sa hdră bi hgŭm anôk mnia mblei, hưn mdah dŭm krĭng pla mjing jăk.

VOV.Êđê- Krah krĭng lăn Măng Đen, anôk mâo yan adiê êđăp, lăn ala djŏ guôp hŏng lu mta ana pla mjing, dŭm đang kphê Arabica grăp knhuang mjing anăn knăl mdê hjăn. Čiăng mjiing dŭm krĭng lăn jing krĭng mkra mjing mnơ̆ng dhơ̆ng, ênoh prăk brei čan jing sa hlăm dŭm “boh kdrŭt” yuôm bhăn, đru kơ mnuih ƀuôn sang pŏk mlar mkra mjing, bi liê kriê dlăng ana pla mjing leh anăn mđing kơ anok ba čhĭ prŏng hĭn.

VOV.Êđê- Knơ̆ng bruă lŏ hma leh anăn wăl hdĭp mda čar Dak Lak bi hgŭm hŏng dŭm anôk bruă hlăm Phŭn bruă lŏ hma leh anăn wăl hdĭp mda mkŏ mjing klei bi kƀĭn mtô mjuăt hdră mkŏ mjing, mkăp leh anăn kriê dlăng mrô krĭng pla mjing, mrô anôk đŭng hruh hluê si Hdră mtrŭn 36 mơ̆ng Knŭk kna.

VOV.Êđê- Anôk bruă ksiêm dlăng knông lăn China mrâo tŭ ư brei thiăm 140 mrô krĭng pla mjing lehanăn bi mklă thiăm 31 anôk đŭng hruh boh durian mtah kơ čar Dak Lak.