Anei jing klei hơ̆k mơak, pŏk thiăm klei găl ba boh durian Dak Lak mŭt hlăm wăl anôk mnia mblei China hluê hdră phŭn. 140 mrô krĭng pla mjing boh durian dưi mkăp hŏng ênhă êbeh 4.300 ha; lehanăn 31 anôk đŭng hruh boh durian mtah, mâo ênhă êbeh 91.000 m², hnơ̆ng ngă bruă hlăm brô 5.500 ton/hruê. Ară anei Dak Lak mâo hlăm brô 44.000 ha boh durian, hnơ̆ng mâo yan thŭn 2026 đăo tĭng giăm 500.000 ton.

Êlâo kơ hdră bi mklă mrâo, alŭ wăl mâo 280 krĭng pla mjing hŏng hlăm brô 7.500 ha lehanăn 41 anôk đŭng hruh boh kroh dưi mkăp mrô knăl ba čhĭ. Bruă dưi mkăp thiăm 140 mrô krĭng pla mjing lehanăn 31 anôk đŭng hruh đru mđĭ klă klơ̆ng hnơ̆ng dưi hgŭm hlăm hdră ba čhĭ phŭn, mbĭt anăn mjing thiăm klei găl čiăng kơ dŭm krĭng pla mjing, anôk bruă duh mkra mkăp djŏ hŏng klei čiăng ƀrư̆ hruê ƀrư̆ lu mơ̆ng wăl anôk mnia mblei China.