Kñăm mđĭ klei thâo kơ phung knuă druh gưl să, ƀuôn hgŭm hlăm boh klei klei dưi gưl leh anăn kriê dlăng mrô dưi mbha gưl ktang kơ nah gŭ, Knơ̆ng bruă lŏ hma leh anăn wăl hdĭp mda čar Dak Lak bi hgŭm hŏng dŭm anôk bruă hlăm Phŭn bruă lŏ hma leh anăn wăl hdĭp mda mkŏ mjing klei bi kƀĭn mtô mjuăt hdră mkŏ mjing, mkăp leh anăn kriê dlăng mrô krĭng pla mjing, mrô anôk đŭng hruh hluê si Hdră mtrŭn 36 mơ̆ng Knŭk kna.

Ti anôk bi kƀĭn, phung knuă druh dŭm să, ƀuôn hgŭm mơ̆ng čar Dak Lak dưi ktrâo lač dŭm mta mrâo mơ̆ng Hdră mtrŭn 36, hdră tŭ mă, msir mghaih hră mơar online; ngă bruă hlăm phần mềm, ksiêm dlăng wăl anôk leh anăn ktuê dlăng krĭng pla mjing leh mkăp mrô. Boh nik, Hdră mtrŭn mrâo lăm lui leh klei bhiăn kơ ênhă ƀiă êdi, pŏk mlar klei dưi mkŏ mjing mrô kơ dŭm krĭng pla mjing mâo ana pla pluă. Aduôn Đặng Thị Thủy, Kiăng khua knơ̆ng bruă lŏ hma leh anăn wăl hdĭp mda čar Dak Lak hưn mthâo, mơ̆ng boh sĭt mrô ti 72 să, ƀuôn hgŭm klei dưi ngă plah wah dŭm alŭ wăl adôk ka bi knar. Kyua anăn, Dak Lak čiăng thiăm klei đru mơ̆ng dŭm anôk bruă thơ̆ng mơ̆ng Phŭn bruă lŏ hma leh anăn wăl hdĭp mda.