Dŭm klei blŭ hlăm klei bi kƀĭn trông ƀuh čiăng kơ sa boh durian dưi nao kbưi, hnơ̆ng tŭ jăk brei dưi mphŭn mơ̆ng đang pla mjing. Pô pla mjing amâo dưi knŏng mđing kơ hnơ̆ng boh mnga, hnơ̆ng mâo amâodah ênoh čhĭ hlăm grăp gưl, ƀiădah brei hluê ngă hdră pla mjing, rơ̆ng klei êđăp ênang, tui duah phŭn agha leh anăn rơ̆ng hnơ̆ng tŭ jăk hơĭt kjăp.

Klei bi kƀĭn trông mñă klă: klei bi hgŭm amâo dưi mdei ti bruă anôk bruă duh mkra nao hrui blei êjai hlăm yan. Klei hrăm mbĭt čiăng dưi hluê ngă mơ̆ng hnưm, mơ̆ng klei ktrâo lač kơ hdră mnêč, ksiêm dlăng hdră pla mjing, hưn mthâo klei hâo hưn anôk mnia mblei truh kơ bruă tui duah phŭn agha lehanăn mprăp krĭng pla mjing mkăp djŏ hŏng klei čiăng ba čhĭ kơ ala tač êngao. Hdră ăt mdưm boh phŭn ba bruă mtrŭt mđĭ bruă lŏ hma ala ƀuôn truh giăm hĭn hŏng mnuih pla mjing, mbĭt anăn mkŏ bruă mtrŭt mđĭ bruă lŏ hma - anôk bruă duh mkra - ƀĭng ngă lŏ hma.