VOV.Êđê- Ênoh ca cao dua thŭn hŏng anei hơĭt kjăp leh anăn mđĭ lar ti hnơ̆ng yuôm, lu phung thơ̆ng kơ bruă bi mklă anei jing klei găl čiăng kơ bruă ca cao Việt Nam kơrŭ wĭt leh anăn đĭ kyar ktang. Hŏng čar Dak Lak, klei găl ƀrư̆ klă mngač tơdah čar mrâo pai mă klei găl anôk ba čhĭ, mđĭ klei bi hgŭm leh anăn yua hdră mkra mjing kjăp, bi hgŭm hŏng klei găl mđĭ kyar bruă lŏ hma mrâo mrang.

VOV.Êđê-Čar Dak Lak mâo êbeh 214.000 ha kphê, truh êbeh 30% ênhă kphê hlăm kluôm ala čar. Hlăm wưng anei, ti lu alŭ wăl, kphê ksă lehanăn mnuih ƀuôn sang mphŭn mŭt hlăm yan hrui pĕ. Khă snăn, kyua adiê hjan sui lehanăn hmăi mơ̆ng dŭm gưl angĭn êbŭ hlăm dŭm hruê êgao ngă kơ bruă ƀhu, kriê pioh tuôm hŏng lu klei gun kpăk.

VOV.Êđê - Angĭn êbŭ mrô 13 găn Dak Lak ngă luč liê êbeh 2000 êklai prăk, tlâo čô mnuih djiê, dŭm êbâo boh sang jhat rai, êlan klei pui kmlă - sang hră arăng bi rai. Hlăm boh klei mjêč, gru hmô knŭk kna dua gưl tal êlâo tuôm hŏng klei lông dlăng kơ yan adiê prŏng snăk. Mơ̆ng klei mbĕ đuĕ mjêč truh kơ kơrŭ wĭt êlan klei pui, sang hră knŏng hlăm wang 72 mmông, Dak Lak brei ƀuh klei ngă bruă hrăm mbĭt, klă sĭt leh anăn giăm mnuih ƀuôn sang- sa klei ksiêm dlăng klei thâo gĭt gai hlăm boh klei mkŏ mjing êpul mă bruă mrâo.

VOV.Êđê - Jing sa krĭng pla mjing ngă lŏ hma phŭn mơ̆ng kluôm ala, Lăn dap kngư dôk mjing dŭm boh kdrŭt phŭn mơ̆ng dŭm gru hmô mtrŭt mđĭ bruă lŏ hma mrâo mrang, ba yua kdrăp bi mlih mrô hlăm bruă pla mjing, dru mguôp mđĭ hnơ̆ng tŭ jăk lehanăn boh tŭ yuôm mơ̆ng dŭm mta mnơ̆ng pla phŭn msĕ si kphê, tiêu, durian. Ti gŭ anei, jing boh sĭt dôk mâo ti čar Dak Lak.

VOV.Êđê-Tuôm čang hmăng jing asăr jăk hĭn hlăm dŭm mta asăr, anak măk ka mâo lu ti krĭng Lăn Dap Kngư leh anăn Yŭ Dưr. Măk ka ăt bi mklă leh ênoh yuôm bruă duh mkra, đru mđĭ prăk hrui wĭt kơ ƀĭng lŏ hma leh anăn luôm mtah lăn huâng, čư̆ kla. Khădah snăn nah tluôn klei jăk anăn ăt adôk lu klei dleh dlan mâo: mơ̆ng mjeh, klei čuăn mkă truh kơ bruă mkra mjing leh anăn anôk čhĭ mnơ̆ng dhơ̆ng.

VOV.Êđê- Hlăm boh klei mkra mjing lŏ hma tŭ lu klei hmăi mơ̆ng klei bi mlih yan adiê, mkra mjing hơĭt kjăp hlue si hdră doh dôk jing êlan nao sa anăn. Hŏng kphê, bruă bi mlih mơ̆ng klei pla mjing yua êa drao jing kriê dlăng klei mnơ̆ng ngă hŏng hdră êlan doh amâo djŏ knŏng đru mđĭ ênoh yuôm mnơ̆ng dhơ̆ng ôh, ƀiădah lŏ răng mgang lăn ala, êa yua leh anăn klei suaih pral phung pla mjing. Ti Dak lak lu gŏ êsei ƀĭng lŏ hma ngă leh, leh anăn dôk ba yua dŭm hdră msir doh, mkŏ mjing dŭm gru hmô pla mjing kphê tŭ dưn.

VOV.Êđê – Klei nao dlăng dŭm mta mnơ̆ng mơ̆ng IFFE amâo mâo djŏ knŏng hưn mdah mnơ̆ng mâo mơ̆ng Daklak ƀiădah lŏ pŏk mlar klei hgŭm duh bi liê, ba mơ̆ng čar ba truh hŏng ala tač êngao.

VOV.Êđê-Bi hgŭm hlăm bruă pla mjing hlăk jing hdră êlan yuôm bhăn đru kơ mnuih pla kphê bi hrŏ ênoh bi liê, bi hơĭt anôk hrui blei lehanăn mđĭ hnơ̆ng tŭ jăk asăr kphê. Ti să Êa Na, čar Dak Lak, lu gŏ sang mphŭn bi mlih hdră ngă, nao hgŭm hlăm gru hmô bi hgŭm dlăng kriê wiê ênăk kphê hluê hdră doh. Mơ̆ng anăn, hnơ̆ng mâo lehanăn boh tŭ yuôm ƀrư̆ hruê dưi mkra mđĭ, pŏk klei čang hmăng đĭ kyar hơĭt kjăp kơ anôk bruă kphê alŭ wăl.

VOV.Êđê- Hrue mbrue (28/10), ti ƀuôn hgŭm Buôn Ama Thuôt, čar Daklak, anôk bruă đru mtô bi hriăm bruă lŏ hma mkŏ mjing leh klei bi trông mđĭ bruă klam klei mđĭ kyar kjăp dŭm mnơ̆ng pla phŭn hlăm krĭgn lăn dap kngư.

VOV.Êđê- Mbĭt hŏng ênhă kphê ba akŏ mơ̆ng kluôm ala, čar Lâm Đồng ară anei dôk pŏk ngă kjăp krĭng pla kphê mâo hnơ̆ng tŭ jăk kñăm mđĭ boh tŭ yuôm mnơ̆ng dhơ̆ng