Dak Lak ară anei mâo lu mnơ̆ng dhơ̆ng lŏ hma phŭn nao hgŭm hlăm wăl anôk mnia mblei, hlăm anăn kphê, boh durian, tiu jing dŭm mta mnơ̆ng mâo ênoh yuôm prŏng. Thŭn 2025, ênoh prăk bi mnia mblei hŏng ala tač êngao mơ̆ng alŭ wăl mâo hlăm brô 2.8 êklai USD; knŏng kphê leh anăn boh durian đru mguôp êbeh 1 êklai USD. Dak Lak dôk mdưm klei čiăng ƀrư̆ hruê ƀrư̆ lu kơ hnơ̆ng tŭ jăk, klei doh êƀăt mnơ̆ng ƀơ̆ng, tui duah phŭn agha leh anăn bi mklă krĭng pla mjing čiăng rơ̆ng leh anăn pŏk mlar dŭm anôk ba čhĭ

Dak Lak gĭr ktưn êbeh 90% anôk mkra mjing, mkra mjing, mnia mblei mnơ̆ng pla mjing dưi mkăp hră tŭ yap djăp klei găl amâo dah dŭm hră tŭ yap lu ala čar kơ klei doh êƀăt mnơ̆ng ƀơ̆ng; jih jang anôk bruă điêt bi siñê ƀuăn rơ̆ng hluê ngă klei kčah mtrŭn. Năng mđing, 100% krĭng pla mjing, anôk đŭng hruh mkăp kơ bruă ba čhĭ kơ ala tač êngao dưi mkăp mrô, grăp wưng ksiêm dlăng leh anăn 100% mnơ̆ng ba čhĭ kơ ala tač êngao hluê ngă klei tui duah phŭn agha hluê si klei čiăng mơ̆ng anôk ba čhĭ.