Hlăm wang 5 thŭn kơ anăp, anôk bruă mĭn tĭng mđĭ kyar hdră rông mnơ̆ng hnơ̆ng prŏng 2 êklăk drei ŭn, mguôp hŏng bruă mkra mjing mnơ̆ng ƀơ̆ng kơ mnơ̆ng rông leh anăn mkra mjing kđeh čĭm ti alŭ wăl. Êpul grup Muyuan brei thâo, hdră rông mnơ̆ng duh bi liê ti Gia Lai kluôm mơ̆ng bruă mkra mjing mnơ̆ng ƀơ̆ng kơ mnơ̆ng rông, rông mnơ̆ng truh kơ mkra mjing kđeh čĭm, mguôp hŏng dŭm anôk bruă đru leh anăn mkra mjing hbâo pruê. Hlăm anăn, anôk rông mnơ̆ng dưi mdưm ti să Pờ Tó, mphŭn rŭ mkra hruê 11/10/2026, gĭr bi leh leh 12 mlan.

Čiăng kơ dŭm hdră mkăn hlăm hdră bruă dưi pŏk ngă hnưm, Khua knơ̆ng bruă sang čư̆ êa čar Gia Lai Phạm Anh Tuấn mtă kơ dŭm knơ̆ng, dhar bruă leh anăn să Pờ Tó mjêč msir mghaih dŭm boh klei kơ bruă mkăp pui kmlă, mkăp êa, anôk ala leh anăn mkăp hră mơar rŭ mdơ̆ng hluê si klei dưi; ktrâo lač klei ngă hră mơar hluê si ai tiê "êlan mtah", hmao kčĕ msir mghaih klei gun kpăk djŏ hdră bhiăn.