6 mlan akŏ thŭn anei, ba čhĭ boh durian kơ ala tač êngao mâo hlăm brô êbeh 950 êklăk USD, đĭ êbeh 31% mkă hŏng wưng anei thŭn dih. Truh jih mlan 7 thŭn anei, kluôm ala mâo êbeh 1200 mrô krĭng pla mjing leh anăn 120 anôk đŭng hruh boh durian dôk ngă bruă. Hlăm 5 mlan adôk hlăm thŭn 2026, hnơ̆ng boh durian mĭn tĭng adôk hlăm brô 1.2 êklăk tôn, hlăm anăn knŏng krĭng Lăn Dap Kngư hlăm brô 850 êbâo tôn.

Hŏng ênoh mrô dưi mkăp brei, ai dưi ba čhĭ boh durian mơ̆ng Việt Nam mkăp djŏ hŏng klei čiăng ba čhĭ thŭn 2026. Klah čŭn mmông mă bruă, K'iăng khua knŭk kna Hồ Quốc Dũng mñă klă dŭm klei lông dlăng mơ̆ng wăl anôk mnia mblei msĕ si hdră êlan răng mgang klei mnia mblei, dŭm klei kpăk kơ hdră mnêč, klei čiăng lu kơ bruă tui duah phŭn agha, klei kpĭ bi ktưn brei mđing hĭn hlăm bruă ruh mgaih dŭm klei dleh kpăk čiăng ba čhĭ boh durian mâo boh tŭ dưn hĭn, gĭr mâo 4 êklai dolar Mi hlăm thŭn anei.