VOV4.Êđê- Hŏng bruă yua hdră pla mjing mdiê msah- thu bi mguôp, ƀĭng lŏ hma ti lu krĭng pla mjing mdiê mđĭ leh prăk hrui wĭt mơ̆ng bruă bi hrŏ hnơ̆ng carbon. Ti Dak Lak, leh thŭn tal êlao ba yua lông ngă leh anăn tŭ jing hŏng gru hmô anei, čar mâo leh hdră kčah čiăng bi lar hlăm dŭm thŭn kơ anăp. Hjăn yan puih mnga 2024-2025 kơ anăp ênhă mdiê pla mjing hlue si hdră mrâo dưi mđĭ truh 500ha.

VOV4.Êđê- Lăn Dap Kngư dôk hlăm wưng hrui pĕ kphê hŏng ênoh yuôm hĭng hlăm hƀuê ênuk (mơ̆ng 120 – 130 êbâo prăk hlăm sa kg). Mơak kyua mâo ênoh ƀiă ƀĭng ngă lŏ hma ăt dôk hŭi hyưt kơ klei tlĕ dăp. Klei tlĕ dăp mâo mơ̆ng đang kphê truh kơ tač sang, sang hjiê, ngă kơ lu ƀĭng ngă lŏ hma amâo mâo hơĭt.

VOV4.Êđê- Klei hưn mdah ksiêm duah klei suaih pral hlăm ai mĭn phung êdam nghiêk Việt Nam mơ̆ng anôk bruă Yang ƀuôn brei ƀuh: Klei rŭng răng hlăm ai mĭn mơ̆ng phung êdam ngiêk mâo klei đĭ lu, hlăm anăn mâo 1/5 phung hđeh êdam ngiêk mâo klei amâo mâo jăk hlăm ai mĭn leh anăn knŏng mâo mă 8,4% phung êdam ngiêk dưi mâo dŭm hdră đru leh anăn đru kčĕ dŭm boh klei hlăm ai mĭn leh anăn bruă ngă. Klei rŭng mơ̆ng klei hriăm hră mơar leh anăn klei ksiêm dlăng amâodah kƀah klei uêñ mĭn mơ̆ng amĭ ama ngă kơ phung hđeh rŭng răng, ƀuh msĕ pô dôk hjăn păn leh anăn ktlah hjăn. Si srăng ngă čiăng uêñ mĭn lu hĭn kơ klei suaih pral ai mĭn hlăm phung êdam ngiêk?

VOV4.Êđê- Dŭm thŭn êgao, klei ba yua êa drao hluăt hlăm bruă dlăng kriê kphê knư̆ hrue knư̆ lu, klei hiu duah hrui kƀĭn mghaih msir hruh lehanăn tŏ êa drao leh amâo mâo sĭt êmĭt ôh. Klei anei ba klei čhŏ djhan kơ wăl hdĭp mda, kma truh hlăm êa, ba klei amâo mâo jăk kơ klei suaih pral anak mnuih. Ba klei kăn jăk rei kơ boh mnga Việt Nam pô pla mjing, kñăm pioh čiăng čhĭ kơ ala tač êngao;

VOV4.Êđê- Mơ̆ng lu thŭn hŏng anei, kđeh čĭm êmô krô dưi dlăng jing mnơ̆ng jăk yâo mơ̆ng kdriêk Krông Pa, alŭ wăl lu mđiă ƀiă hjan ti čar Gia Lai . Lu ƀĭng ngă lŏ hma tinei amâo djŏ knŏng dưi mkŏ mjing anăn knăl kđeh čĭm êmô krô, ƀiădah lŏ mđĭ kơhưm mta mnơ̆ng anei jing bruă duh mkra mơ̆ng grăp gŏ sang, đru mđĭ kyar bruă duh mkra ala ƀuôn hlăm alŭ wăl.

VOV4.Êđê - Čar Dak Lak jing sa hlăm 10 čar, ƀuôn prŏng mâo ênoh sang rông čĭm iăt lu hĭn hlăm lăn čar. Čar mâo lu klei găl leh anăn ênoh sang rông čĭm iăt ăt đĭ hmar hlăm dŭm thŭn giăm anei.

VOV4.Êđê - Thŭn 2024, anôk bruă lŏ hma Dak Lak lŏ mâo dŭm boh tŭ êdah êdi lehanăn kluôm dhuôm.

VOV4.Êđê - Hŏng klei găl yan adiê, lăn ala, truh kơ ară anei ti 3 kdriêk mơ̆ng čar Kon Tum mâo Kon Plông, Tu Mơ Rông leh anăn Đăk Glei dưi mđĭ kyar leh êbeh 4.100 ha ana kpjê krĭng êăt. Mơ̆ng boh tŭ dưn klă sĭt mơ̆ng ana pla mjing anei ba wĭt kơ ƀĭng ngă lŏ hma, čar Kon Tum dôk lŏ dơ̆ng pŏk phai ênhă pla mjing, mbĭt anăn mâo hdră êlan mđĭ hnơ̆ng tŭ jăk leh anăn boh tŭ dưn hlăm bruă duh mkra mơ̆ng ana kphê krĭng êăt.

VOV4.Êđê-Anôk bruă mtô bi hriăm bruă lŏ hma – mjeh mjiêng mnơ̆ng pla mjing mnơ̆ng rông, bruă rông hdang kan čar Daklak mkŏ mjing leh klei bi kƀĭn ksiêm wĭt jih jang hdră êlan “Mkŏ mjing hdră bi hmô pla mjing boh kroh hlue ênoh čuăn VietGAP, pŏk phai krĭng pla mjing doh hlăm lăn dap kngư wưng thŭn 2022 - 2024”.

VOV4.Êđê-Ti ƀuôn prŏng Sóc Trăng, Phŭn bruă lŏ hma leh anăn Mđĭ kyar krĭng ƀuôn sang bi hgŭm hŏng Hră klei mrâo Tuổi Trẻ leh anăn Knơ̆ng bruă sang čư̆ êa čar Sóc Trăng mkŏ mjing leh Klei bi kƀĭn “Mkŏ mjing anăn knăl ala čar kơ braih Việt”.