VOV4.Êđê- Klei čar Gia Lai mnia mblei hŏng ala tač êngao đĭ kyar hlăm thŭn anei, knŏng hlăm 3 mlan akŏ thŭn čar mâo leh truh 40% hdră kčah bi mnia mblei hŏng ala tač êngao hlăm jih thŭn.

VOV4.Êđê- Aguah mbruê 11/4, ti ƀuôn prŏng Đà Lạt, Anôk bruă mtrŭt mđĭ bruă lŏ hma ala čar (Phŭn bruă lŏ hma leh anăn mđĭ kyar krĭng ƀuôn sang) bi mguôp hŏng knơ̆ng bruă lŏ hma leh anăn mđĭ kyar krĭng ƀuôn sang čar Lâm Đồng mkŏ mjing klei kƀĭn trông mtrŭt mđĭ bruă lŏ hma wăl krah gưl tal 1 thŭn 2024 hŏng akŏ dưn yua klei mlih mrô hlăm bruă mkra mjing leh anăn ba čhĭ mnơ̆ng dhơ̆ng bruă lŏ hma doh.

VOV4.Êđê- Kñăm mđĭ hĭn bruă bi hgŭm ksiêm hriăm kreh knhâo bruă lŏ hma leh anăn bruă duh mkra ala ƀuôn plah wah 5 čar Lăn Dap Kngư leh anăn ƀuôn prŏng Hồ Chí Minh, hruê mbruê 11/4, ti ƀuôn prŏng Kon Tum mkŏ mjing leh Klei bi kƀĭn kreh knhâo gưl krĭng “Bi trông ba yua kdrăp mrâo hlăm bruă mkŏ mjing gru hmô ba yua kdrăp mrâo; hdră pla mjing, bi lar mjeh, mkra mjing, kriê dlăng hŏng ana pla mjing dŭm čar Lăn Dap Kngư”.

VOV4.Êđê- Ênoh năng djŏ mơ̆ng lu mta mnơ̆ng dhơ̆ng lŏ hma dôk mjing klei găl čiăng kơ ƀĭng lŏ hma Dak Lak bi mklă bruă bi mlih ana pla mjing djŏ guôp, mơ̆ng anăn tlaih mơ̆ng boh klei “koh druôm - pla, pla- lŏ koh druôm” tơdah dŭm mta mnơ̆ng dhơ̆ng lŏ hma lŏ dơ̆ng luč ênoh amâodah yuôm ƀiădah amâo boh mnga. Mbĭt hŏng klei pla pluă dŭm mta tŭ dưn, ƀĭng lŏ hma Dak Lak mđing hĭn kơ bruă duh bi liê kriê dlăng mđĭ hnơ̆ng boh mnga, hnơ̆ng jăk. Bruă lŏ hma Dak Lak mơ̆ng anăn thiăm hơĭt kjăp kyua mâo lu mta hrui wĭt.

VOV4.Êđê- Êpul gơ̆ng ksiêm dlăng, mbha mnơ̆ng dhơ̆ng OCOP čar Dak Lak mrâo bi mklă anăn 17 mta mnơ̆ng dhơ̆ng djăp hnơ̆ng čuăn mnơ̆ng dhơ̆ng OCOP 4 mtŭ gưl čar tal 1, mđĭ ênoh mnơ̆ng dhơ̆ng 237 mnơ̆ng dhơ̆ng OCOP ti alŭ wăl anei.

VOV4.Êđê- Anôk bruă sang čư̆ êa čar Dak Lak mrâo mkŏ mjing Klei bi kƀĭn ksiêm wĭt Anôk bruă boh duh durian 2023, hdră êlan bruă klam hlăm thŭn 2024 ti Dak Lak. Khua knŭk kna mñă, boh tŭ yuôm prŏng ƀiădah ăt adôk lu klei dleh kpăk, êdu kƀah brei pral msir mghaih čiăng mđĭ kyar h’ĭt kjăp, jing klei bi mklă kluôm ti anôk bi kƀĭn kơ anôk bruă bŏ hŏng klei čang hmăng mơ̆ng čar.

VOV4.Êđê - Ƀuôn prŏng Hồ Chí Minh leh anăn dŭm čar Lăn Dap Kngư mâo klei bi mguôp mơ̆ng sui, kyua sa tĭng jing krĭng pla mjing, mkăp mnơ̆ng dhơ̆ng lŏ hma, bi nah dih jing anôk ba čhĭ, dŭ mdiăng êbeh 75% mnơ̆ng dhơ̆ng anei. Bruă bi mguôp ƀrư̆ klă klơ̆ng hĭn dŭm klei kuôl kă bi hgŭm, ba yua boh kdrŭt mđĭ kyar čiăng mđĭ klei bi hgŭm kjăp sui thŭn, mđĭ klei bi hgŭm krĭng hlăm djăp bruă ngă klă klơ̆ng čiăng kơ bruă duh mkra- ala ƀuôn grăp alŭ wăl yua jih klei găl.

VOV4.Êđê - Klei adiê không kƀah êa ti čar Kon Tum ăt dôk dleh dưi ksiêm dlăng. Ară anei, dŭm anôk pom êa mơ̆ng ƀuôn prŏng dôk bi êran wăt hruê leh anăn mlan čiăng krih êa kơ êbeh 400ha mdiê lŏ krĭng ênao kdơ̆ng êa bi êran pui kmlă Yaly.

VOV4.Êđê- Ƀri bi hdơr hruê Êpul hgŭm bruă Việt Nam (11/4/2011-11/4/2024), aguah 8/4, Êpul hgŭm bruă čar Dak Lak mkŏ mjing klei bi tuôm kñăm lŏ bi hdơr hdră mđĭ kyar mơ̆ng Êpul hgŭm bruă leh anăn mâo hdră msir ngă bruă ƀrư̆ klă sĭt hĭn.

VOV4.Êđê- Adiê mđiă hlơr sui ti Gia Lai ngă kơ hnơ̆ng êa hlăm êa krông, êa hnoh khuôt ngă kơ lu mnuih ƀuôn sang hlăm lu anôk amâo mâo êa yua grăp hruê. Ară anei bruă sang čư̆ êa alŭ wăl leh anăn bruă lŏ hma čar Gia Lai pŏk ngă leh lu hdră msir mjêč čiăng mdrơ̆ng.