Dak Lak pŏk mlar klei bi mguôp, ba čhĭ durian kơ China
Thứ hai, 10:41, 08/09/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV.Êđê- Hruê mbruê 7/9, Êpul knơ̆ng bruă China mâo leh gưl hruê mă bruă, čuă dlăng krĭng pla mjing, anôk đŭng hruh leh anăn ksiêm duah klei găl bi mguôp hŏng dhar bruă durian ti čar Dak Lak.
Hlăm mmông bi tuôm, dŭm tĭng bi trông kơ hdră tă đĭ kyar klei bi mguôp kñăm pŏk mlar klei ba čhĭ êlan phŭn, bi lu jơr anôk mnia blei ti China.
Êpul hgŭm bruă durian Dak Lak ăt mâo dŭm hdră êlan bi mguôp, hlăm anăn: mtrŭt mjhar klei bi kuôl kă wưng sui, hơĭt kjăp hrô kơ wưng bhiâo êlâo dih, mtrŭt mjhar knơ̆ng bruă China duh bi liê kơ hjiê bi êăt, logistics leh anăn mkra mjing êlam ti alŭ wăl, pŏk mlar klei bi mguôp mtô mjuăt mnuih mă bruă, ba jao kdrăp mrâo leh anăn klei hriăm kriê dlăng hnơ̆ng jăk. Dak Lak ară anei mâo giăm 40.000 ha durian, hnơ̆ng thŭn 2025 đăo tĭng mâo giăm 400.000 tôn. Čar mâo leh China bi klă 269 mrô krĭng pla mjing hŏng giăm 7.400ha, 40 anôk đŭng hruh boh mtah leh anăn 11 anôk bi êăt đru kơ klei ba čhĭ.
Viết bình luận