VOV4.Êđê- Čar Dak Lak mâo ênhă pla mjing durian prŏng hĭn hlăm lăn čar, dôk kčưm kơ wưng hrui pĕ boh durian thŭn 2024. Wưng hrui pĕ anei bŏ hŏng klei hmăng hmưi mơ̆ng čar, đăo knăl mâo êbeh 300 êbâo tôn, kčưm wưng hrui pĕ hŏng lu klei rŭng răng, êjai hjan sui ngă kơ boh durian luh hnưm, hnơ̆ng tŭ jăk dleh ksiêm dlăng. Klei hjan hlĭm sui leh anăn dŭm klei dôk mâo brei ƀuh, klei găl mklăk yan mơ̆ng Dak Lak ăt jing klei lông dlăng prŏng, čiăng mâo dŭm hdră êlan hrăm mbĭt čiăng mgaih msir leh anăn bi lar.

VOV4.Êđê- Krĭng pla mjing boh durian Krông Pač mơ̆ng čar Dak Lak mprăp mŭt leh hlăm wưng hrui pĕ leh anăn mprăp kơ Knăm mơak Durian gưl tal 2, akŏ mlan 9 kơ anăp. Amâo djŏ knŏng jing alŭ wăl pla durian prŏng hĭn, hŏng êbeh 8.000ha hlăm wưng hrui pĕ, Krông Pač lŏ jing anôk hrui blei, đung hruh, mnia mblei durian mơ̆ng Dak Lak leh anăn krĭng Lăn Dap Kngư. Čiăng rơ̆ng kơ bruă hrui pĕ, bruă sang čư̆ êa dŭm gưl kdriêk Krông Pač dôk đĭ hĭn bruă rơ̆ng kơ hnơ̆ng tŭ jăk, răng mgang klei êđăp ênang, ktuê dlăng klei čhĭ mnia leh anăn rơ̆ng kơ hnơ̆ng tŭ jăk mnơ̆ng dhơ̆ng. Pô čih klei mrâo Tuấn Long mâo klei blŭ hrăm hŏng Trần Hồng Tiến – Khua bruă Đảng kdriêk Krông Pač kơ mta phŭn anei.

VOV4.Êđê- Hdră mtrŭn Klei bi kƀĭn kphê jăk tal 2, wưng 2024-2029 mkŏ mjing hruê 2-8, ti ƀuôn prŏng Ƀuôn Ama Thuôt, čar Dak Lak.

VOV4.Êđê- Aguah mbrue 1/8, Khua phŭn bruă lŏ hma Lê Minh Hoan mbĭt hŏng êpul ngă bruă mâo leh bruă mă hŏng knơ̆ng bruă sang čư̆ êa čar Gia Lai kơ bruă ruh mgaih jih klei dleh dlan, tui duah krĭng mrâo kơ klei krih mđoh êa mơ̆ng knơ̆ng mbông êa Ia Mơr.

.Êđê- Mkra mjing lŏ hma dôk tlă anăp hŏng lu klei lông dlăng kyua klei bi mlih yan adiê leh anăn klei ruă tưp. Mđĭ ktang bi hgŭm, mơ̆ng anăn mkŏ mjing hdră mkra mjing lehh anăn ba čhĭ mnơ̆ng dhơ̆ng lŏ hma, kyua anăn dôk jing klei čiăng êdi hŏng dŭm gŏ êsei, êpul hgŭm bruă lŏ hma. Mkŏ mjing dŭm hdră bi hgŭm đru kơ êpul hgŭm bruă găl ênưih hĭn hlăm bruă yua hdră mnêč hlăm klei mkra mjing, mkŏ mjing anăn knăl mnơ̆ng dhơ̆ng. Ƀĭng lŏ hma hgŭm hlăm hdră mkra mjing dưi dưn dŭm hdră pla mjing, hdră mnêč mrâo leh anăn yuôm bhăn jing boh tŭ bruă duh mkra ba ăt hơĭt kjăp hĭn.

VOV4.Êđê- Knơ̆ng bruă Lŏ hma leh anăn mđĭ kyar krĭng ƀuôn sang čar Dak Lak mrâo ba mdah klei bi klă kơ bruă ksiêm dlăng dŭm krĭng pla mjing, anôk đŭng hruh durian dưi mkăp mrô krĭng pla mjing ti alŭ wăl thŭn 2024.

VOV4.Êđê- Hjan prŏng hlăm dŭm hruê êgao ngă dŭm dŭm êtuh ha mdiê lŏ ti kdriêk Lak, čar Dak Lak êlip jih, hŭi hyưt srăng luč mang.

VOV4.Êđê- Hlăm wưng anei, lu krĭng pla durian ti čar Dak lak kčưm leh wưng hrui pĕ thŭn 2024. Mbĭt hŏng bruă mđĭ hĭn bruă răng mgang klei êđăp ênang, lu alŭ wăl dôk kñăm kơ dŭm hdră êlan kriê dlăng hnơ̆ng tŭ jăk durian pô.

VOV4.Êđê- Năm mlan akŏ thŭn anei, čar Dak Lak mâo hnơ̆ng đĭ kyar bruă duh mkra 4,13%, ka djŏ hŏng klei hmăng mhưi bi lar klei găl mơ̆ng alŭ wăl.

VOV4.Êđê- Dap kngư Si Pa Phìn, să Si Pa Phìn, kdriêk Nậm Pồ, čar Điện Biên jing anôk dôk mrâo bi hmô hlăm klei mƀĕ đuĕ mkŏ mjing Sang mkra mjing pui kmlă Sơn La. Mơ̆ng anôk lăn thu krô, klei hdĭp dleh dlan, mnuih ƀuôn sang duah êsei huă djam ƀơ̆ng grăp hruê, truh ară anei kyua klei gĭr mơ̆ng jih bruă kđi čar leh anăn mnuih ƀuôn sang alŭ wăl, dap kngư Si Pa Phìn bi mlih jing anôk pla mjing djam tam, čang hmăng ba bruă duh mkra, klei hdĭp mơ̆ng mnuih ƀuôn sang đĭ kyar hơĭt kjăp.