Lŏ ƀuh lu êmô kbao djiê ti Kontum kyua mâo klei ruă
Thứ sáu, 10:29, 14/02/2025
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Êjai bruă lŏ hma čar Kon Tum dôk gang mkhư̆ klei ruă tưp kplač ƀăng êgei êluôč kčuôp ti să Xốp lehanăn Đăk Nhoong, kdriêk Đăk Glei snăn ăt hlăm kdriêk anei mơh lŏ mâo anôk mâo klei ruă ti să Đăk Plô ngă leh kơ lu êmô kbâo djiê.
A Hà, K’iăng khua knơ̆ng bruă sang čư̆ êa să Đăk Plô, kdriêk Đăk Glei, čar Kon Tum brei thâo, êmô kbao mâo klei ruă ƀuh mơ̆ng kdrăn kiă răng êmô kbao Đăk Đơ, ƀuôn Bung Koong. Hlăm 10 hrue êgao, tinei mâo 4 drei kbao, lehanăn 8 drei êmô djiê, ka thâo klă ôh ya mta klei ruă. Êngao anăn mâo 110 drei kbao, êmô dôk ruă.
Tui si anôk bruă lŏ hma kdriêk Đăk Glei dôk jing năng ai jing klei ruă bi êkŏ êrah kyua kman. Ti kdrăn kiă krăng êmô kbao Đăk Đơ ară anei mâo truh 300 drei kbao, êmô mơ̆ng 88 gŏ sang bi kiă răng mơ̆ng ƀuôn Bung Koong, să Đăk Plô, kdriêk Đăk Glei. Mơ̆ng klei anei, anôk bruă răng mgang mnơ̆ng rông kdriêk Đăk Glei mkăp brei leh truh 80 lít êa drao, lehanăn 500kg čŭr, 20 hlao čŭt hơô kơ mnuih krih êa drao kơ anôk êmô kbao ruă./.
Viết bình luận