VOV4.Êđê- Hlăm hdră hruê 9,10/5, êpul čih klei mrâo mơ̆ng Sang mđung asăp blŭ Việt Nam ti krĭng Lăn dap kngư hưn lač leh kơ klei adiê thu krô kƀah êa dôk mâo ktang ti krĭng Lăn dap kngư, lu ênhă mnơ̆ng pla djiê krô. Hdră čuăl mkă êdu kƀah, duh bi liê êmưt, bruă ba yua êa amâo thâo mkiêt mkriêm jing mta phŭn ngă kơ krĭng anei grăp thŭn kƀah êa nanao, khădah mâo hnơ̆ng hjan dŭm êtuh m3. Ksiêm tĭng, mbĭt hŏng ênhă lăn hrah bazan čăt jing, yan bhang ti lăn dap kngư ba lu klei găl kơ anôk bruă lŏ hma. Păt čiăng jih mnơ̆ng pla phŭn msĕ si: Kphê, durian, tiêu, makka, kñŭl… mnga, mboh hlăm yan bhang. Tơdah mâo djăp êa krih, yan bhang srăng jing “Yan djŏ boh mnga” ti lăn dap kngư.

VOV4.Êđê- Hlăm hdră mđung hruê mbruê, hmei mâo klei čih lač kơ adiê không kƀah êa dôk mâo prŏng êdi ti Lăn Dap Kngư, lu ênhă kphê thu krô, ƀĭng lŏ hma hơưi kyua luč yan boh mnga hlăk êjai ênoh kphê đĭ yuôm. Klei amâo djŏ jing Lăn Dap Kngư thu krô wăt tơdah jing anôk phŭn mơ̆ng 4 êa krông prŏng, mâo: Sêrêpốk, Sê San, Đồng Nai leh anăn Krông Pa, hŏng hnơ̆ng êa êbeh 50 êklai m3/thŭn. Krĭng Lăn Dap Kngư ăt mâo hnơ̆ng adiê hjan prŏng grăp thŭn truh 100 êklai m3. Lŏ čuê klei čih tal 2 “Lăn Dap Kngư kƀah êa: si ngă čiăng yan không jing yan yuôm bhăn”, hdră mđung hruê anei lač kơ mta phŭn “hdră kčah awăt,bi liê kƀah, klei mĭn kthŭl mluk, ngă kơ klei kƀah êa amâo thâo lŏ jih” ti Lăn Dap Kngư.

VOV4.Êđê - Khădah mâo leh dŭm gưl hjan akŏ yan, ƀiădah lu tĭng ti Kon Tum ăt dôk tlă anăp hŏng klei adiê thu krô, kƀah êa kơ mnơ̆ng pla lehanăn huĭ srăng mâo klei pui ƀơ̆ng dliê ti gưl huĭ hyưt êdi.

VOV4.Êđê - Ênoh kphê asăr đĭ êdi hlăm hƀuê ênuk dôk ngă kơ mjeh ana kphê hin êdi ka tuôm mâo. Ti krah yan bhang thu krô, êa khuôt, phung ghan mnia mjeh ana kphê hiu blei jih mjeh ana kphê ti dŭm anôk mjut mjing, dôk guôn ba čhĭ mâo prăk mnga hlăk ƀĭng ngă lŏ hma mprăp lŏ pla hlăm yan hjan kơ anăp. Kphê Vịêt Nam srăng pla lu đei ênhă čuăl mkă lehanăn hnơ̆ng mâo lu mkă hŏng klei čiăng mơ̆ jing klei mđing mơ̆ng dŭm thŭn ti anăp, ƀiădah klei mđing uêñ kơ hnơ̆ng tŭ mjeh kphê jing klei năng mđing mơ̆ng ară anei.

VOV4.Êđê - Lăn dap kngư dôk găn sa wưng yan bhang thu krô prŏng êdi mơ̆ng êlâo adih truh kơ ară anei. Dŭm ênhă mnơ̆ng pla djiê krô, luič liê lu hlăm bruă duh mkra amâo dưi tĭng mkă. Klei năng mđing, Lăn dap kngư jing anôk mâo lu hnoh êa, êa krông, hnơ̆ng hjăn truh 100 êklai m3 grăp thŭn, êgao klei čiăng krih mơ̆ng 2 êklăk ha mnơ̆ng pla. Hlăk êjai anăn, yan bhang thu krô ăt jing wưng găl čiăng kơ dŭm mta mnơ̆ng pla phŭn msĕ si kphê, tiu, boh durian… čuh blang mnga lehanăn mboh; tơdah mâo mphŭn mkăp êa kjăp, yan bhang srăng jing “Yan yuôm bhăn”. Anei jing mta phŭn hlăm dŭm klei čih “Lăn dap kngư kƀah êa: Si srăng ngă čiăng kơ yan bhang jing yan yuôm bhăn”.

VOV4.Êđê - Bi trông kơ klei mđing leh anăn klei kčĕ hdră bi hgŭm ksiêm hriăm bruă lŏ hma plah wah Việt Nam leh anăn Australia, tlam mbruê (7/5) ti Hà Nội Phŭn bruă lŏ hma leh anăn mđĭ kyar krĭng ƀuôn sang bi hgŭm hŏng Anôk bruă bi ala Australia ti Việt Nam mkŏ mjing “Klei bi blŭ hrăm bi hgŭm hlăm bruă lŏ hma”.

VOV4.Êđê- Aguah 5/5, Khua hlăm bruă Đảng gưl dlông, K’iăng Khua knŭk kna Trần Lưu Quang hŏng êpul mă bruă mơ̆ng Knŭk kna nao ksiêm dlăng mă bruă kriê dlăng răng mgang leh anăn gang mkhư̆ klei pui ƀơ̆ng dliê ti kdriêk Sa Thầy, čar Kon Tum.

VOV4.Êđê- Ară anei, lu boh mnga ti lăn dap kngư phŭn jing kphê, tiu, boh durian... hlăk mâo ênoh, đru bi mlih leh klei hdĭp mnuih ƀuôn sang. Čhĭ yuôm klei hdĭp mâo klei bi mlih lehanăn dưi lŏ pŏk mlar anôk mnia mblei hŏng ala tač êngao. Khădah hmăi amâo mâo jăk mơ̆ng Elnino ba hriê klei mđiă không prŏng, hmăi leh amâo mâo jăk êdi hŏng mnơ̆ng pla mjing ti lăn dap kngư, mnuih ƀuôn sang hlăk dôk gĭr duah êa krih kơ mnơ̆ng pla mjing, kñăm răng kriê mnơ̆ng pô pla mjing mơ̆ng bruă kngan pô ngă:

VOV4.Êđê- Hlăm wưng êgao, leh dŭm wưng mjuăt bi hriăm bruă, lu mnuih mă bruă ti krĭng ƀuôn sang čar Dak Lak, boh nik jing mnuih ƀuôn sang djuê ana ƀiă, mjing leh bruă mă, mđĭ hnư hrui wĭt, bi h’ĭt klei hdĭp. Mbĭt anăn, klei hriăm bruă ăt đru kơ mnuih ƀuôn sang pŏk êlan nao mrâo hlăk mkŏ mjing dŭm êpul ngă bruă duh mkra pla mjing, mnia mblei ti alŭ wăl.

VOV4.Êđê - Aguah mbruê 26/4, ti ƀuôn prŏng Ƀuôn Ama Thuôt, Anôk bruă mtrŭt mđĭ klei mnia mblei – Phŭn bruă tuh tia bi mguôp hŏng bruă sang čư êa čar Dak Lak mkŏ mjing Klei kƀĭn trông mtrŭt mđĭ klei mnia mblei leh anăn mđĭ kyar klei blei mnia krĭng Lăn Dăp Kngư.