VOV4.Êđê - Klei adiê không kƀah êa ti čar Kon Tum ăt dôk dleh dưi ksiêm dlăng. Ară anei, dŭm anôk pom êa mơ̆ng ƀuôn prŏng dôk bi êran wăt hruê leh anăn mlan čiăng krih êa kơ êbeh 400ha mdiê lŏ krĭng ênao kdơ̆ng êa bi êran pui kmlă Yaly.

VOV4.Êđê- Ƀri bi hdơr hruê Êpul hgŭm bruă Việt Nam (11/4/2011-11/4/2024), aguah 8/4, Êpul hgŭm bruă čar Dak Lak mkŏ mjing klei bi tuôm kñăm lŏ bi hdơr hdră mđĭ kyar mơ̆ng Êpul hgŭm bruă leh anăn mâo hdră msir ngă bruă ƀrư̆ klă sĭt hĭn.

VOV4.Êđê- Adiê mđiă hlơr sui ti Gia Lai ngă kơ hnơ̆ng êa hlăm êa krông, êa hnoh khuôt ngă kơ lu mnuih ƀuôn sang hlăm lu anôk amâo mâo êa yua grăp hruê. Ară anei bruă sang čư̆ êa alŭ wăl leh anăn bruă lŏ hma čar Gia Lai pŏk ngă leh lu hdră msir mjêč čiăng mdrơ̆ng.

VOV.Êđê- Ênoh hbei tao trŭn nanao mơ̆ng akŏ thŭn anei, ngă kơ phung pla mjing ti kdriêk Phú Thiện, čar Gia Lai lĕ hlăm klei luč liê.

VOV4.Êđê - Boh sĭt klei koh druôm, čhĭ mnia, dŭ mdiăng mnơ̆ng hlăm dliê soh hŏng hdră bhiăn krĭng bi mnông ăt ka dưi mgaih msir kluôm. Anei jing klei bi klă mơ̆ng bruă sang čư êa čar Kon Tum leh anăn Gia Lai hlăm klei kƀĭn trông ksiêm wĭt boh tŭ hluê ngă hdră bi mguôp hlăm bruă kriê dlăng, răng mgang dliê leh anăn kriê dlăng mnơ̆ng hlăm dliê krĭng bi knông 2 čar mkŏ mjing tlam mbruê ti ƀuôn prŏng Kon Tum, čar Kon Tum.

VOV4.Êđê- Ƀri gưl wĭt kơ phŭn, hruê mbruê 27/3, anôk bi hriăm mmuñ, Anôk bruă mtô klei kdŏ mmuñ ala čar Việt Nam bi mguôp hŏng bruă sang čư êa kdriêk Tu Mơ Rông, čar Kon Tum mkŏ mjing knăm jao 100.000 phŭn hngô mjeh 2 thŭn kơ 200 gŏ sang mnuih Sêdang ƀun ƀin ti kdriêk.

VOV4.Êđê - Dŭm gru hmô bi hgŭm ba wĭt leh boh tŭ kơ Êpul hgŭm bruă hlăm hdră bi hrŏ ênoh bi liê, pla mjing hŏng hnơ̆ng prŏng, hnơ̆ng tŭ jăk mnơ̆ng dhơ̆ng bi knar, hdră pla mjing h’ĭt kjăp lehanăn wăl anôk hrui blei kjăp.

VOV4.Êđê- Klei bi lông gưl tal êlâo kphê đặc jăk Việt Nam 2024 (Vietnam Amazing Cup 2024) mrâo bi ruĕ hŏng ênoh mta kphê ba bi lông mâo klei kdlưn hĭn. Êpul mkŏ mjing mprăp leh jăk klei bi lông knhal tuič ti mlan 4 tinăp lehanăn mkŏ mjing klei bi lông čhĭ mđĭ ênoh ti ƀuôn phŭng phŭn Hà Nội, jih jang ênoh kphê jăk mâo mă klei pah mni ti anôk bi lông tal anei.

VOV4.Êđê - Pral kriê pioh êa, yua êa hŏng klei djŏ kơ dŭm mta ana pla mjing, mâo dŭm gưl bruă sang čư̆ êa leh anăn ƀĭng lŏ hma ti kdriêk Ea Kar, čar Dak Lak. Êa mkăp kơ bruă mkra mjing lŏ hma ăt djăp, mdiê yan puih mnga ti alŭ wăl ăt dưi mâo djăp, amâo mâo lĕ hlăm klei kƀah êa ôh.

VOV4.Êđê- Aguah mbrue (21/3) ti Hà Nội, Phŭn bruă lŏ hma mkŏ mjing leh klei bi kƀĭn tui si klei khua knŭk kna mtrŭn kơ bruă čuăl mkă hdră mdrơ̆ng hŏng klei yan adiê ngă, lehanăn knơ̆ng mbông êa wưng thŭn 2021-2030, tă hdră truh kơ thŭn 2050.