Hluê si klei hưn ti anôk bi kƀĭn, 9 mlan êgao, hdră mnia mblei, duh bi liê knŭk kna, mkŏ mkra anôk bruă nah gŭ lehanăn blei mnia hŏng ala tač êngao ti Dak Lak, Dak Nông đĭ kyar kjăp, lu hnơ̆ng čuăn đĭ hĭn mkă hŏng wưng anei thŭn êlâo. Ti Lâm Đồng, hdră đĭ kyar bruă duh mkra mâo klei bi êdah êmưt. Jih 3 čar dôk tuôm hŏng klei dleh dlan, gun kpăk djŏ tuôm kơ hdră đru lăn, đru sang dôk kơ mnuih djuê ƀiă hluê Hdră ala čar kñăm ala čar lehanăn klei mnuih hiu mŭt dôk amâo djŏ hdră kčah…

Hluê Khua phŭn bruă Nguyễn Văn Hùng, boh tŭ dưi mâo hlăm 9 mlan êgao brei ƀuh 3 čar Dak Lak, Dak Nông, Lâm Đồng mâo lu klei gĭr, boh nik hlăm hdră lŏ hma. Khua phŭn bruă Nguyễn Văn Hùng mtă kơ 3 čar mđing kơ dŭm hdră msir bi leh mta kñăm mâo kčah mtrŭn hlăm thŭn 2024. Hlăm anăn, dŭm alŭ wăl brei mđĭ hdră mkăp prăk duh bi liê knŭk kna, bi leh dŭm hdră bruă knŭk kna, mđing kơ hdră rơ̆ng klei êđăp ênang, kriê pioh lehanăn mđĭ lar boh tŭ dhar kreh bi mguôp hŏng hdră hiu čhưn ênguê./.