Klei bi hmô jing sa hlăm dŭm mta bruă hluê ngă bruă klam mơ̆ng hdră êlan mrô 6 hlăm hdră ala čar kñăm mđĭ kyar bruă duh mkra ala ƀuôn krĭng mnuih djuê ƀiă leh anăn čư̆ čhiăng, wưng thŭn 2021 – 2030. Nao hgŭm hlăm klei bi hmô, hŏng klei ktrâo lač mơ̆ng phung hưn mdah leh anăn bruă mtô bi hriăm hlăm yang ƀuôn, phung nao hriăm dưi mâo lu klei hriăm tông čing mơ̆ng ênưih truh kơ dleh, mkra dŭm klei kreh soh hlăm klei tông čing, hriăm kơ đa đa ênhiang čing mơ̆ng mnuih Êđê.

Phung hriăm ăt dưi mâo klei mtô kơ photovoice – yua rup čiăng yăl dliê kơ dhar kreh djuê ana. Klei bi hmô đru kơ mnuih ƀuôn sang thâo săng klă hĭn kơ klei yuôm mnơ̆ng kriê pioh pô dôk mâo, lŏ thiăm klei ktưn hưn kơ čĭng čhar Lăn Dap Kngư. Mkŏ mjing klei găl čiăng kơ čing čhar jing ai dưi kơ bruă hiu čhưn ênguê, lŏ čuê kơ êpul êya leh anăn mkŏ mjing bruă hiu čhưn ênguê mnơ̆ng kriê pioh. Leh ƀuôn prŏng Ƀuôn Ama Thuôt, knơ̆ng bruă srăng lŏ pŏk mlar truh kơ dŭm kdriêk čiăng mkŏ mnơ̆ng kriê pioh ti čar Dak Lak.