Hlăm mmông mă bruă, Đào Mỹ, K’iăng Khua Knơ̆ng bruă sang čư̆ êa čar Dak Lak mñă klă, leh hơĭt kjăp mkŏ mjing, dhar bruă brei kƀĭn gĭt gai čiăng bi leh hdră mtrŭt bruă hiu čhưn ênguê mơ̆ng čar. Brei ksiêm yap bi djŏ guôp, brei bi kna klei găl, hdră, pai mă klei găl čiăng ba yua jih klei găl, klei mâo plah wah 2 krĭng wăl Ngŏ - Yŭ Dak Lak. Êngao kơ bruă mkŏ mjing klei mâo snăn brei mkra mrâo, mkŏ mjing mnơ̆ng dhơ̆ng hiu čhưn ênguê mrâo čiăng iêô jak tue hiu čhưn.

Tlam mbruê 10/7, Bruă sang čư̆ êa čar Lâm Đồng mâo mmông mă bruă hŏng knơ̆ng bruă dhar kreh, mjuăt asei mlei leh anăn hiu čhưn ênguê kơ klei ngă bruă, hluê ngă bruă klam leh bi mŭt mbĭt. Boh klei bi mguôp 3 anôk bruă Đà Lạt – Phan Thiết – Gia Nghĩa čiăng mtrŭt mđĭ bruă hiu čhưn ênguê. Hlăm mmoong mă bruă, Hồ Văn Mười, khua bruă sang čư̆ êa čar Lâm Đồng mñă klă, Lâm Đồng mâo klei găl prŏng mđĭ kyar dhar kreh, mjuăt asei mlei leh anăn hiu čhưn ênguê. Hlăm anăn Đà Lạt pia jing Lâm Đồng êbâo mnga, Bình Thuận pia jing Lâm Đồng êa ksĭ mtah, Dak Nông pia jing Lâm Đồng čư̆ čhiăng. Jih jang dŭm klei găl anei čiăng mâo klei bi mguôp, bi kna leh anăn hrăm mbĭt kơh bruă hiu čhưn ênguê alŭ wăl dưi đĭ kyar ktang leh anăn hơĭt kjăp.