Ti anăp čar srăng bi mklin dŭm mbah bruă hiu čhưn ênguê điện tử thâo mĭn mơ̆ng 3 čar hđăp jing sa mbah bruă hiu čhưn ênguê điện tử mơ̆ng čar mrâo. Mbĭt anăn, mklin mbĭt dŭm kdrăp dưn yua bruă hiu čhưn ênguê hlăm đĭng blŭ thâo mĭn mơ̆ng dua čar Lâm Đồng leh anăn Bình Thuận hđăp, mkŏ mjing sa app mbĭt mâo klei mbŏ klei hưn, klei ba yua kơ bruă hiu čhưn êngiê mơ̆ng Dak Nông.

Čiăng mđĭ hnơ̆ng, mđĭ hĭn klei jăk kơ phung tuê hiu čhưn ênguê, kdrăp dưn yua anei lŏ bi mguôp hŏng klei thâo mĭn mơ̆ng anak mnuih mkra mjing. Bruă bi mklin, mđĭ hnơ̆ng kdrăp dưn yua srăng rơ̆ng mkăp brei klei hưn bruă hiu čhưn ênguê, đru kơ phung tuê nao čuă dlăng, mưn adŭ mdei, duah anôk hiu čhưn ênguê leh anăn mâo hdră kčah nao ti čar Lâm Đồng hŏng klei găl hĭn.

­